امراة برج القوس - المتفائلة الفضولية

امراة برج القوس
امراة برج القوس

قمة الثقة بالنفس و التفاؤل, الباحثة عن الحقيقة, الانثى الفضولية جدا اللى مش هتبطل تدور عن اجابة اى سؤال بيخطر على بالها لحد ما تعرف اجابته … هى انثى برج القوس.
بتحب تستكشف الناس اللى حواليها و تدخل معاهم فى حوارات و مناقشات, كمان بتحب تستكشف الحياة, متكلمة لبقة جدا و مستقلة و ذكية و لماحة..
تعالوا نتعرف على على اهم الصفات اللي بتميز امرأة القوس من 22 نوفمبر – 21 ديسمبر..



سرها الابدى: الحب
الحب بالنسبة لها هو سر غامض, بتخاف من الارتباط و انها تقرب من حد لدرجة كبيرة و فى رحلة بحثها عن الحب اللى فى خيالها و بتتمناه دايما بتدور على شخص يكون فى نفس طباعها و مميزاتها و يكون بيشوف الدنيا بعنيها و عنده فضول و حب للحياة زيها, لبتدور على الشريك القوى فكريا اللى يقدر يفسرلها غموض الحب و الحياة. هى من النوع اللى احسن حبيب ينفع لها يكون اصلا صديق قريب. في الحب هى صادقة و مخلصة, تستحق ثقة شريكها عن جدارة, و حتى لما بتحب شخص و تقع فيه لشوشتها بتهتم جدا انها تحافظ على استقلالها.



عاشقة للمغامرات و السفر:
انثى القوس مش ممكن تزهق منها ابدا لو اتكلمت معاها دايما عندها افكار جديدة و مسلية لانها بتعشق المغامرات و السفر و مش بتسيب فرصة ممكن تجرب فيها حاجة جديدة او تتعلم منها اى معلومة و تسيبها, مفيدة و بتحب الناس اللى بتشاركها نفس اهتمامتها و حبها للمرح و المغامرات و الحركة الكثيرة.

مش بتهتم بالموضة:
الصوف و القطن من اكثر القماشات اللى بتفضلها انثى القوس لأنهم اكثر قماشات مريحة و هى مش بتحب حاجة اكثر من الراحة و بتعشق انها تكون على طبيعتها و ده بردو بيخليها متمشيش ورا تقليعات الموضة الجديدة و لا حتى تهتم بيها لانها بتلبس اللى يليق عليها و يريحها و بس . هي بسيطة جدا و مش بتحب المكياج أو الأكسسوارات الزيادة, متحبش تلفت النظر لشكلها و تحب اكتر الناس تركز مع شخصيتها و عقلها.

طموحة و متفائلة:
طموحه زياده عن اللزوم بس معظم احلامها بتتحقق لانها بتحطها في دماغها بس دايما الناس بتقولها انها عايشه في احلام ورديه حتي اصحابها بيقولولها انها مش عايشه في الدنيا يمكن لانها بتبقي متفائله زياده عن اللزوم دايما بتشوف ان ليه نبص في نص الكوبايه الفاضي خلينا نشوف الجزء المليان طبعا ده مش بيعجب ناس كتير.

متسرعة فى قراراتها:
متسرعه جدا فى قراراتها و ده ساعات بيسببلها مشكله لانها تقريبا مش بتدي نفسها وقت تفكر بس ده بالنسبه للمواضيع العامه او المواقف المفاجئه لكن لما الموقف يخلص وتقعد مع نفسها بتراجع كل الي عملته وتفكر و تقول ليه ماعملتش كذا لكن في قرارات بتستوجب التفكير العميق مش معناه انها لاغيه عقلها خالص.

عاقلة وحلالة المشاكل:
عندها قدرة عالية على التسامح و بتنسا بسهولة لما حد يضايقها, مش بتعرف تحل مشاكلها لكن شاطرة جدا فى حل مشاكل الاخرين وبتقبل التحدي اللي يستنفد قواها وقدرتها العقلية . صحابها دايما بيخلوها تحل مشاكلهم بسبب قدرتها على التحليل عالية جدا وعندها حاسة سادسة وعندها قدرة عالية على الاقناع.

انثى القوس بتعتبر طفلة مرحة, طموحة, بسيطة و جميلة, بتعشق الحياة و متفائلة و بتعامل الناس بالطريقة اللى تحب انها تتعامل بيها… وجودها فى حياتك هيملاها أمل, مرح و سعادة.

مقالات متعلقة بـ انثي برج القوس

رجل برج القوس
توافق برج القوس مع باقي الابراج
برج القوس اليوم
برج القوس لهذا الاسبوع
برج القوس لهذا الشهر
خريطة الموقعFacebook twitter