الجذابة الغامضة: انثى برج العقرب



برج العقرب
انثي برج العقرب

غامضة وجذابة ومفعمة بالأنوثة، عندها سحر غريب صعب إن حد يقاومه، مزاجية جدا، قوية، مسيطرة وواثقة في نفسها، بتستميت للوصول لأهدافها، واضحة ومتحبش اللف والدوران، الدنيا عندها يا ابيض يا اسود مافيش رمادي، طبعا بنتكلم عن انثى العقرب…



انثى العقرب تهتم اوي بجوهر الاشياء وما تعملش اعتبار للتفاصيل السطحية اللي مش مهمة، ما ينفعش خالص تستخف بانثى العقرب او تقلل من قدراتها لأنها اخر حد ممكن يكون قليل الحيلة او ضعيف، ممكن تدمر نفسها في بعد الأوقات، شجاعة وعنيدة جدا، حتي لما بتعدي بفترة صعبة في حياتها، هتلاقيها بتعند مع الدنيا وتقف شامخة لحد لما الموقف يعدي، تعشق النجاح وممكن تضحي بحاجات كتير عشان توصلله…

تحب قوي تفهم كل حاجة وتلاقي اجوبة لكل اسئلتها، غاوية االحاجات الروحانية العميقة اوالمتعلقة بالتأمل وتخليها تدخل في حالة من استكشاف النفس، عنصر البرج هو المياة، اما يوم حظه فهو الثلاثاء، وبيرمز له حجر الياقوت الأصفر، وبالنسبة للونه المفضل فهو الطوبي، تعالوا نتعرف على اهم الصفات اللي بتميز امرأة برج العقرب 23 أكتوبر – 21 نوفمبر.

مين هي انثى العقرب؟



1- يا بخت اللي تحبه:
لما انثى العقرب بتقع في الحب الحقيقي وتلاقي الشخص المناسب بتحب بمنتهى التفاني والاخلاص، حبها ابدي وبتكرس كل حياتها لحبيبها لدرجة ان كل حياتها بتدور حواليه، حتعمل اي حاجة عشان خاطر حبيبها, هتساعده ينجح وهتشجعة, ومش حتسمح ابدا ان كلمة غلط تتقال في حقه، ولأنها شخصية جذابة جدا فدايما حتلاقي انثى العقرب حواليها معجبين كتير وبالرغم من حبها لجذب الإهتمام الا انها بتلاقي في الاعجاب ده نوع من الاهانة لأنها من الاخر مش بتشوف حد غير حبيبها وبس.

2- علاقة مركبة و مشاعر قوية:
انثى العقرب بتدور على تركيبة صعبة في حبيبها، شخصيتها فيها جانب مسيطر تحب حبيبها يديها مساحة من الحرية في اتخاذ القرارات من وقت للتاني وفي نفس الوقت تكرة الرجل اللي شخصيته ضعيفة اللي بيوافقها على طول الخط وحتملا حياته بالشكوى من الطبع ده، مشاعرها قوية جدا وصعب الوصول ليها, لأنها بتحاول تدفنها بعمق, والمشاعر ده كلها بتتفجر بمجرد إنها تلاقي الشخص المناسب اللي فعلا تقتنع بيه.

انثى العقرب بتدور على الرابط الروحاني العميق بينها وبين حبيبها، واللي بيميزها في علاقتها بحبيبها أنها حبيبة شغوفة بتقدم لحبيبها الرعاية والولاء والاهتمام والاستقرار.



3- صداقة ولا عداوة؟
انثى العقرب بتختار أصحابها بعناية شديدة ولازم يثبتولها انهم أهل للثقة وللصداقة ديه, كتومة جدا وبتقدر الأسرار عمرها ما تخرج سر أصحابها برة ابدا لأنها مخلصة ولأن مشاعرها دايما واضحة فهي لما بتحب اصدقائها بتحبهم بإخلاص، والميزة اللي في شخصيتها انها عمرها ما تنسى جميل او موقف كويس حد عمله معاها وممكن ترد الجميل ده بدل المرة اتنين وتلاتة..

اما بقى الجانب الصعب من الصفات دي فهو أنها زي ماهي مباشرة وشغوفة في مشاعر الصداقة, هي برده كده في مشاعر الكره يعني لما بتكرة حد بتكرهه جدا, وده لأن زي ما اتفقنا مشاعرها واضحة جدا يعني لو لقت حد يستاهل صداقتها بتكون اعز واقرب الاصدقاء اما لو اكتسبت عداوتها فخلي بالك لأن عداوتها مش بسيطة وعمرها مابتنسى لو حد أذاها أو غلط فيها في يوم من الأيام…

4- ناجحة ومخلصة في عملها:
انثى العقرب تقدرتنجح في أي وظيفة تشتغلها, وده ببساطة لأنها مخلصة جدا و بتعمل كل جهدها عشان تنجح وتوصل لأقصى درجات النجاح في عملها, تنفع جدا في أي وظيفة لها هدف كبير في تغير العالم من حواليها، سريعة البديهة وسريعة التعلم وحادة الادراك والفهم عشان كده بتنجح اوي في المجالات العملية والعلمية، ولأنها شخصية بترد الجميل وتفتكر الخير جدا فهي بتدي لشغلها كل طاقتها واخلاصها لو حست بالتقدير لمجهودها وكفائتها وحتحاول ترد ده بكل الطرق وتطلع كل مجهودها في شغلها.

5- الفلوس عندها وسيلة مش غاية:
بتتميز انثى العقرب بانها بتتعامل مع الفلوس على انها وسيلة بتوصلها لأهدافها حتى لو كان الهدف ده هو الادخار او الاستثمار، ومع ذلك هي ما تحبش حد يعرف عن شئونها المادية كتير ولا معاها كام ولا بتصرف كام ولا حتى مديونة بكام. ومع انها بتعرف تتحكم كويس في مصاريفها الا انها ساعات بتحب تصرف على الحاجات اللي هي مهتمة بيها اكتر من العادي زي مثلا الجزم والشنط المصنوعة من الجلد الطبيعي او الاكسسوارات الغالية وساعتها ممكن تصرف اكتر من اللازم واوقات بيجيلها شعور بالندم بعد كده.

بس الميزة الحلوة اللي فيها انها وقت الحاجة بتسيطر جدا على نفسها وعلى مصاريفها وتقدر تمنع نفسها من الشراء والصرف وتدخر للحاجة اللي هي عايزاها.

6- تقدس الحياة العائلية:
ده مش مجرد كلاشيه او جملة محفوظة، انثى العقرب فعلا بتقدس عائلتها واسرتها جدا، حتدافع عنهم بإيديها وسنانها قصاد اي حاجة تمسهم من بعيد او من قريب، اما الأم من برج العقرب فهي بتقف ورا اولادها وتشجعهم على انهم يكونوا اقوياء ومستقلين وعمرها ما بتعاملهم على انهم كيان تابع لها بالعكس هي بتعاملهم على انهم شخصيات مستقلة وبتحترم رغباتهم وبتقف وراهم في اي اتجاه او طريق هما يختاروه وبتشجعهم يوصلوا فيه للنجاح والتفوق.

7- مقولتها المفضلة “ألبس اللي يعجبك”:
انثى العقرب مالهاش ستايل محدد بس بتعرف ازاي تلبس اللي يليق عليها، تحب تقاليع الموضة جدا بس مش مجنونة بيها وبتجري وراها، في يوم تحط ميكب تقيل جدا وتاني يوم متحطش خالص، تلبس الجينز والشيميز وتعشق فساتين السهرة، هي بتحب تلبس على حسب مزاجها وعلى حسب الموقف اللي هي فيه بس في كل الحالات تحب اللي يليق عليها وتعرف تختاره.

ببساطة انثى العقرب تبان شخصية معقدة ومش مفهومة بس هي على العكس شخصية واضحة, صريحة ومحددة الملامح والصفات، بالرغم من قدرتها على انها تخفي مشاعرها احيانا الا انك لو عرفت تكسب قلبها كحبيبة او صديقة حتلاقي منها كل الاخلاص اللي في الدنيا حتحبك بمنتهى الشغف والقوة وحتكون مخلصة لك مدى الحياة…

تابعنا علي الفيسبوك ليصلك الجديد أولاً بأول


رجل برج العقرب
توافق برج العقرب مع باقي الابراج
برج العقرب اليوم
برج العقرب لهذا الاسبوع
برج العقرب لهذا الشهر
برج العقرب 2018
توقعات الابراج 2018

توقعات الابراج 2018

abraj توقعات الابراج 2018

توقعات الابراج 2018 جاكلين عقيقي

توقعات الابراج 2018 جاكلين عقيقي

توقعات الابراج 2018 جاكلين عقيقي

ماغي فرح 2018

توقعات الابراج 2018 ماغي فرح

توقعات الابراج 2018 ماغي فرح

توقعات الابراج 2018 مع نجلاء قباني

توقعات الابراج 2018 مع نجلاء قباني

توقعات الابراج 2018 مع نجلاء قباني

توقعات الابراج 2018

توقعات الابراج 2018 مع خبير علم الفلك فواز صباغ

توقعات الابراج 2018 مع خبير علم الفلك فواز صباغ

توقعات الابراج 2018 في المجال المهني و الحياة المهنية

توقعات الابراج 2018 في المجال المهني

توقعات الابراج 2018 في المجال المهني و الحياة المهنية

اكثر الابراج حظا 2018

ما هي اكثر الابراج حظا 2018

ما هي اكثر الابراج حظا 2018 أبراج ستكون الأوفر حظاً خلال العام 2018.. فهل أنت منهم ؟

توقعات الابراج 2018 عبير فؤاد

توقعات الابراج 2018 عبير فؤاد

توقعات الأبراج لعام 2018.. عبير فؤاد:

خريطة الموقع Facebook Google+ twitter