تحميل برامج


امراة برج الدلو - القوية المستقلة

امراة برج الدلو
امراة برج الدلو

المرأة اللغز… المستقلة القوية, بيوصفوها بأنها عاصفة مليانة قوة وطاقة, شديدة الذكاء و مش بتحب تفضل فى قالب المجتمع بيحدده ليها! هي انثى الدلو…
نصيحة لو بتحاول تتحكم فى انثى برج الدلو او تسيطر على تصرفتها بلاش لأنك مش هتقدر! هي دايما بتكسر كل التوقعات.. تعالوا نتعرف على اهم الصفات اللي بتميز امرأة برج الدلو 21 يناير – 18 فبراير.





صعبة المنال :
إمرأة برج الدلو مش سهل انها تحب او تتعلق بحد و بتاخد وقت طويل انها تثق فى الرجل و هى شخصية بتشوف الحب كأنه لعبة و بتتقمص فيه ادوار كثيرة عشان تخلى اللعبة دايما مسلية و ده بحكم انها شخصية تكره كل شىء تقليدى. إمراة الدلو شخصية مستقلة جدا و مهما كانت فى علاقة دائما فى جزء محدش يعرفه عنها لكن لو احبت بصدق بتعطى قلبها و تفكيرها كله بلا تردد للشخص المحظوظ اللى قدر يوصلها.



قائدة :
إمراة برج الدلو شخصية تعشق الابتكار و الافكار المميزة و هى تعتبر قائد ناجح جدا فى شغلها و بتعرف تتعامل مع الناس اللى بيشتغلوا معاها و تحفزهم و تساعدهم ينجحوا فى شغلهم . متقدرش تحبس امراة الدلو فى مكتب وورق و عشان كده من احسن الوظائف اللى ممكن تشتغلها بتتضمن ابداع و تفكير و حركة كثير زى التصوير و الفنون و السياسة و التسويق لأن كل دول بيحتاجوا ابداع و تفكير

حنونة :
امراة برج الدلو دايما بتكون حنونة جدا و اطفالها بيلاقوها شخصية مسلية جدا و ممتعة و بيحبوا يشاركوها فى كل نشاطتهم . كمان بتتميز انها بتحترم اولادها جدا بأفكارهم و بتساعدهم يكونوا شخصيات مستقلة و يكونوا ناجحين زيها.



عاشقة للحرية :
انثى الدلو محتاجة حرية وإنها تاخد مساحتها, مينفعش تضغط عليها ومينفعش تحطها في إطار معين أو تتوقع منها تصرفات معينه, لانها متقلبة و فعلا كل افعالها غير متوقعة. علاقتها المثالية بتبقي مع الميزان, القوس, الحمل والجوزاء

مبدعة فى الموضة و الازياء :
فى الموضوع ده بالذات دايما امراة برج الدلو بتفاجىء الناس اللى حواليها جدا. لانها شخصية جذابة و متنوعة فبتختار ملابسها معظمها الوان قوية و جريئة و كمان بتلبس حجات محدش بيفكر انها ممكن تليق على بعض و مش بتلبس حاجة غير لما تكون مريحة بالنسبالها. و عشان هى شخصية متجددة و غير متوقعة فمككن فى يوم تلبس لبس رسمى و بدلة و كمان و ثانى يوم تلبس لبس كاجوال جدا بالوان صارخة و جذابة و طبعا مش محتاجين نقول ان لونها المفضل هو الازرق. من الاخر كده انثى الدلو هي اللي بتخترع خطوط الموضة مفروض تمشي إزاي.

مستقلة :
و لما نيجى نتكلم عن الاستقلال فامراة برج الدلو هى ايقونة الاستقلال و مينفعش تعتمد على حد انه يصرف عليها و عشان كده دايما هى اللى بتشتغل و بتصرف على نفسها , و ده كمان يرجع الى انها بتحب تصرف جدا . مش بتخاف تعمل صفقات و مشاريه و بتاخد المجازفة دايما حتى لو ممكن تخسر . على الرغم من كده فهى قلبها طيب جدا و مش بتعشق الفلوس لانها فى ثانية ممكن تدى فلوسها كلها لحد محتاج و مش هتكون ندمانة.

بحكم انها بتتحرك كثير فى شغلها و حياتها مع اولادها فمعظم مشاكلها الصحية هتكون فى العظام و خصوصا عظام القدم و نادرا ما هتلاقى امراة برج الدلو مشتركة فى جيم او بتلعب ايروبكس لان هى بتكتفى بالنشاطات و الحركة الكثيرة اللى بتشارك فيها فى حياتها الاجتماعية.

اجتماعية جدا :
لو كتنت ليكى صديقة برج الدلو فتوقعى انك لما تكونى معاها فى اى مكان مش هتبطل تسلم على ناس و تقابل ناس تعرفها لانها شخصية اجتماعية جدا و بتحب تعرف كل الناس . على الرغم من كده فهى ملهاش اصدقاء قريبين كتير و ده بحكم طبيعتها المتحفظة وحبها للخصوصية . امراة برج الدلو دايما تحب تختار اصحابها اللى بيشاركوها نفس اهتمامتها و حبها الشديد للاستقلال و التميز و هى صديقة مخلصة جدا و صداقاتها بتدوم لسنين طويلة.

معظم البنات من البرج ده ليهم أناقة وحضورا نادرا ما بتكون عند حد ثانى لو عايز تحافظ على علاقتك بيها فابتعد عن القسوة والأنانية وحب التملك والنقد المستمر، لأن مفتاح شخصيتها الحنان و الرفق و هى فعلا شخصية رائعة و تستحق.

افلام اجنبى اون لاين افلام اكشن اون لاين

Sitemap خريطة الموقع Facebook Google+ twitter twitter twitter