امراة برج الحوت - الحساسة الرقيقة

امراة برج الحوت
امراة برج الحوت

لما نيجى نتكلم عن الغموض و السحر و الرقة لازم نتكلم على انثى برج الحوت, بنات البرج ده بيتميزوا عن باقى الابراج لانهم جواهم مشاعر و أحاسيس قوية جدا, رومانسيين, ساحريين, حالمين و عندهم حس فنى عالى قوي
تعالوا نتعرف على اهم صفات انثى برج الحوت (مواليد 19 فبراير-20 مارس).



الحالمة :
البنات فى البرج ده بيفضلوا دايما انهم يهربوا من الحقيقة لأنهم مش بتتناسب مع شخصيتهم الحساسة الرقيقة اللى بتتصدم من الواقع فبيلجأوا دايما انهم يعيشوا فى عالم من الخيالات و الاحلام بعيد عن الناس و عشان كده فى اغلب الاوقات الناس بتفتكرهم بيتكسفوا لكن هما فى الحقيقة بيكونوا وسط الناس بس فى عالم ثانى خالص مناسب ليهم و بعيد عن مشاكل الحياة و دوشتها.



رومانسية وساحرة :
انثى الحوت تعشق إنها تكون في علاقة حب, ديه أكتر حاجة بتقوي شعورها بالكمال, هي محبة جدا مخلصة جدا, ممكن تعمل أي حاجة فالدنيا عشان شريكها يكون مبسوط ومرتاح, إنك تكون في علاقة من انثى برج الحوت تأكد إنك هتكون في علاقة قمة الرومانسية والعاطفة.. بتدي كتير جدا ومضحية, عشان كده لازم شريكها يقدر قوي الجزء ده وميحولش انه يستغلها لانها لو شعرت بالأستغلال أو بالضغط, هتلاقي عندها قدرة إنها تعيد ترتيب حياتها من الأول وممكن وقتها تقدر تستغني عنه لانها في النهاية شخصية مش ضعيفة.

مبتعرفشي تقول لأ :
هي انثى مسالمة, بتحب تشعر بالأمان, حساسة جدا وبتقدر أحتياجات الأخرين وحنينة, بتراعي أصحابها وتلاقيها عندها اصدقاء كتير من مختلف الشخصيات, ومعظمهم عن مكنش كلهم هتلقيهم بيخدوا رأيها في المواقف الحرجة, هادية وعندها نكران للذات, وده بيأثر عليها إنها في معظم الأوقات مبتعرفشي تقول لأ لحد في أي طلب أو مشورة يكون محتجة منها.

مضحية :
البنت فى البرج ده بتكون مضحية الى اقصى الحدود و مش بيهمها راحتها و بتهتم بس براحة احبائها ,أصحابها, ابنائها او اى حد قريب منها و ممكن تيجى على حقها كثير و على صحتها عشان ترضيهم و ده طبعا مش فى صالحها و بيأسر على صحتها فى اغلب الاوقات . الام الحوت لأنها مضحية و حنونة احيانا بتفقد السيطرة على اولادها و ممكن تسيبهم يعملوا اى حاجة بسبب طيبة قلبها.

متقلبة و مزاجية :
مش سهل ان الواحد يتوقع مشاعر انثى برج الحوت فممكن فى ساعة تكون مبسوطة جدا و فجأة كل ده يتغير و الدنيا تسود فى عنيها و ده لأن مزاجها بيتغير من اقل الاسباب او حتى من اقل كلمة اذا كانت حلوة او وحشة . و من نتائج مزاجها المتقلب فبتتعرض لوعكات صحية كثيرة زى الصداع المفاجىء و نوبات من الجوع و الاكل الزيادة او عدم الاكل تماما.

مسرفة و غير مدبرة :
و ده يرجع طبعا للطيبة الزائدة احيانا وعدم التفكير فى المستقبل اللى بيخليها متعرفش تعمل اى خطط مالية, الانثى الحوت مش بتعرف تحوش اى فلوس وممكن تصرفها بسهولة فى اى حاجة متستهلش عشان بس الحاجة دى عجباها او عاجبة حد بتحبه .

فنانة :
الفن و الموسيقى و الكاميرا من اهم اهتمامتها . بتحب اى حاجة تحفز الخيال الجميل اللى جواها و تطلعه بأجمل صورة . فى اغلب الاوقات ممكن تتنقل من وظيفة لوظيفة ثانية عشان تدور على الحاجة اللى تشبع الحس الفنى ده و تناسب الابداع اللى جواها غالبا هتلاقيها تفضل تكون كاتبة او رسامة و ممكن كمان تشتغل اكثر من وظيفة لو كانوا مناسبين لطبيعتها الفنية

مهووسة بالاحذية و الالوان :
البنت الحوت عمرها ما تحب تحط نفسها فى قالب الموضة و الحجات اللى الناس اللى حواليها كلها بتلبسها بس بتدور على اللبس اللى يناسبها و الاكسسوارات الملونة الكبيرة و يكون كله الوان مختلفة و غريبة عشان مس بتحب تكون شبه حد و يكون ليها ستايلها المخصوص اللى هى بتبتكره بفنها. اكثر حاجة بتجنن انثى الحوت الاحذية ! بتحب يكون عندها كل الاشكال و الالوان الغريبة للالحذية لاعتقادها انها انها ممكن تغير من شكلها تماما و بيكون عندها عدد كبير جدا منهم و بتحرص على ان انواعهم تناسبها فى كل الاوقات

على الرغم من انها رومانسية جدا و حالمة فالبنت الحوت شخصية قوية جدا و عندها ارادة فولاذية و تقدر تثبت لكل اللى حواليها انها مش محتاجة لحد حتى لو كانت فى عز احتياجها . مفتاح الانثى الحوت هو الكلمة و المعاملة الرقيقة . لو عاملتها برقة هتكتسب قلبها الكبير جدا اللى مش هيبخل عليك بأى حاجة فى الدنيا .

امراة برج الحوت
رجل برج الحوت
معلومات عن برج الحوت
توافق برج الحوت مع باقي الابراج
برج الحوت اليوم
برج الحوت لهذا الاسبوع
برج الاسد لهذا الشهر
خريطة الموقعFacebook twitter