تحميل برامج


امراة برج العذراء - الباحثة عن المثالية

امراة برج العذراء
امراة برج العذراء

ساحرة، ذكية ، دقيقة، تبحث عن الكمال وتسعى للوصول للصورة المثالية في كل شيء دي الصفات الاساسية اللي بتتعرف بها انثى العذراء ده طبعا الى جانب شخصيتها العملية اللي بتعشق الترتيب والتفاصيل،
اتعرفي معانا على طبيعتها وصفاتها بالتفصيل في الموضوع ده. من 23 أغسطس – 22 سبتمبر.
مين هي انثى العذراء؟!





المثالية أول الاولويات :
شخصية تحب التحليل والتدقيق ومايعجبهاش اي عمل غير مثالي وغير دقيق وتنتقده بشده وده مش بغرض ان هي تضايق الشخص ده هي كل اللي بتدور عليه الصور الكاملة والنتيجة المثالية، بتكره الفوضى وعدم النظام، شخصية جدعة جدا تقدر تعتمد عليها وتحملها المسئولية وانت متطمن، دايما افكارها واقعية بتبعد عن الخيال وارائها مبنية عن تجربة مش على العاطفة والخيال وبالرغم من القوة والعملية دي كلها الا انها شخصية خجولة ومترددة شوية لدرجة انها قد تبدو ساعات باردة خاصة في العلاقات العاطفية, في بعض الأوقات الأخري ممكن يكون عندها عيب هو “الرغي” لكن ديه مش صفة عامة في انثى العذراء، يومها المفضل الاربعاء اما رقم حظها فهو الرقم 5 وتفضل من الالوان درجات الازرق والرمادي وتعشق الطبيعة والخضرة.



العقل قبل القلب :
لو حنتكلم عن المشاعر حنلاقي ان انثى العذراء بتتميز بالقوة الداخلية والاصرارـ بتصدق جدا في الحب الحقيقي القائم على المواقف والافعال بعيد عن القصص الخيالية والفانتازيا، يعني تؤمن بالحب بينها وبين شريكها وبتسعى للوصول بعلاقتها الى المثالية وده عن طريق انها بتدرس علاقتها كويس بتشوف فين نقط الضعف وتتغلب عليها وبتعرف كمان نقاط القوة اللي بتخلي علاقتها تستمر، وامرأة برج العذراء وفية جدا بتلتزم اوي بالعلاقة اللي بتدخل فيها ومش بتسلم مشاعرها وتحب بسرعة لكن لازم تدرس الموضوع الاول قبل ما تقع في الحب.

جدعة وصاحبة صحابها :
زي ما قولنا في البداية امرأة العذراء جدعة جدا ويعتمد عليها، دايما حتلاقيها موجودة مع اصحابها في كل موقف مهم في حياتهم، مش حتنسى عيد ميلاد ولا حتتأخر في يوم زفاف، حتفتكر مين عندها مناسبة مهمة وتفكر صحابها بمواعيدهم المهمة، وعشان شخصيتها اللي بتحب تحلل المواقف وتركز في التفاصيل حتلاقيها انسب واحدة تدي لصحابها النصيحة وقت ما يطلبوها.



الدقة والتفاصيل عنوان حياتها:
محاسبة او محللة بيانات، طبيبة او كاتبة اي وظيفة تحتاج للدقة ومراقبة التفاصيل تعتبر الوظيفة المثالية لأمرأة العذراء، وده مش معناه ان هي مش خلاقة ومبدعة لأ بالعكس هي بتحب تستمتع بعملها وتضيفله جديد لكن في اطار من النظام والدقة وكل عملها لازم يكون متدجدول ومنظم بشكل كبير، اما مشكلاتها في الشغل فهي بتيجي من حاجتين اولهم اهتمامها بالتفاصيل اللي بتخليها ساعات ماتشوفش الصورة كاملة وتاني حاجة ان هي بتخاف تتحط قدام المسئولية مباشرة لأنها بتنشغل جدا بمتابعة العمل ومحاولة الحفاظ عليه عن ان هي تحاول تطوره وتحسن منه وعشان ده ضد طبيعتها فده بيكون اكتر عمل غير مناسب لها.

أستاذة مفاوضات وصفقات:
امرأة العذراء بتعشق الاستقرار المادي، تحب تأمن نفسها ماديا على المدى الطويل وتكرة المخاطرة بوضعها المادي، ولأنها بتسعى لتطوير نفسها عشان توصل للمثالية فأكتر الاسئلة اللي بتلح عليها هي السؤال اللي يخص الفلوس من ناحية الكفاية المادية هل كده هي مكتفيه ولا لسه مش حاسة بالأمان المادي؟ امرأة برج العذراء مش بخيلة لكن هي بتحب تحط الفلوس في مكانها الصحيح حتى لو عندها فلوس كتير وعشان كده امرأة العذراء ناجحة جدا في المفاوضات المادية والحصول على افضل العروض في اي صفقة.

ام منظمة ومركزة في كل التفاصيل:
امرأة العذراء ام متفانية بتركز في كل تفاصيل حياة اسرتها من ناحية الصحة او الدراسة او الاحتياجات الخاصة بكل واحد فيهم، ومن ناحية الاعمال المنزلية فهي مهتمة جدا بالتنظيم والنظام وتكره الفوضى وعدم الترتيب، اما المشكلة اللي بتواجهها من ناحية العائلة فهي خوفها الشديد على صحة اولادها وساعات كتير بتدي المواضيع اكبر من حجمها لما يتعلق الموضوع بصحة اولادها.

واخده كل حاجة على اعصابها:
اغلب المشاكل الصحية اللي بتواجه امرأة العذراء هي مشاكل الامعاء والقولون وده طبعا لأن بالها دايما مشغول وبتفكر وبتهتم اكتر من اللازم، وحتى في حالة انها تكون بخير ومش تعبانة غالبا بنلاقي امرأة العذراء مركزة زيادة شوية مع كل الم او تعب تحس به حتى لو كان بسيط وده بسبب طبيعتها اللي بتحب التفاصيل، عشان الاسباب دي احسن نصيحة ممكن نقدمها لسيدات برج العذراء هي محاولة الحصول على قدر من الراحة والاسترخاء من وقت للتاني عشان تتخلص من الضغط ده كله.

فاشيونستا وذوقها عالي :
انثى العذراء تحب اوي الاناقة والمظهر المنمق الجميل عمرها ما تلبس هدوم مش مكوية او مش متناسقة، تحب تعتني بمظهرها العام في اختيار استايل اللبس بتاعها، ومع ذلك هي مش مبالغة في مظهرها بالعكس هي بتحب المظهر البسيط تحب تختار الهدوم اللي تليق عليها ومش بتمشي ورا التقاليع وخلاص لأنها بتعتقد ان الاستايل المناسب لها عمره ما حيخرج عن الموضه، ما تحبش ابدا تخرج في يوم هي مش مستعدة فيه او مش واخدة بالها من مظهرها.

في الاخر حبين نضيف إن لو فيه في حياتك امرأة العذراء, تأكد إنك هتعيش حياة ساحرة , منظمة , كلها حب وأمان , وهتكون أكتر من حريصة على تلبية رغبات شريكها واسعادة. نتمني إننا نكون قدرنا نوضح مواصفات هذة الساحرة, انثى العذراء…

افلام اجنبى اون لاين افلام اكشن اون لاين

Sitemap خريطة الموقع Facebook Google+ twitter twitter twitter