امراة برج الاسد - الملكة الفاتنة

امراة برج الاسد
امراة برج الاسد

الثقة في النفس, عاطفية جدا, بتعيش حياتها بمنتهى الشغف وتعشق الحياة, ضحكتها عالية ودائمة الإبتسام وبتنشر السعادة والطاقة للناس اللي حواليها, هي ملكة الغابة انثى الأسد..
انثى الأسد هتعرفها من بين الناس بمنتهى السهولة, هي أكتر شخصية بتجذب الإنتباه, بتتكلم بكل كيانها وبمنتهي الحيوية وكلها طاقة, شخصية مغامرة وبتحب الإثارة. بما ان عنصرها النار, هي مزاجها ناري و بسهولة ممكن تطلع المخالب لو شخص تعدي حدوده معاها. لونها المفضل, طبعا الأحمر والذهبي.
ذكية, طموحة, قوية, بارعة ومبدعة عشان كده هتلاقي امرأة الأسد بتبرع ديما في الأعمل اللي في مجال الفنون. تعالوا ندخل رحلة استكشاف انثى الأسد من 23 يوليو – 22 أغسطس.



بتحب زي ماقال الكتاب:
الحب عند انثى الأسد هو بالظبط زي الحب اللي موجود في الكتب والأفلام, معندهاش حالة وسط, يا تحب بكل كيانها يا ترفض بكل ثقة, بتركز قوي في حياتها العاطفية , و من السهل إنها تقع في الحب ولما بتقع, بتقع جامد جدا, مش معنا الكلام ده إنها سهلة المنال, لأ بالعكس هي مش بيعجبها أو ياخد انتبهها أي حد بسهوله, بس بمجرد إن ده يحصل يبقي يا بخت الشريك ده اللي هيقدر ينال حبها. لأنه هيعيش معاها قصة حب من اللي بيهز الوجدان وبيسهر الليالي.



الشريك القوي:
انثى الأسد لما بتكون في علاقة بتبقي مخلصة, سخية, وعاطفية جدا وبتستنى المقابل من شريكها ومش بتقبل بأقل من اللي بتديه, وبيبقي مهم جدا عندها إنها تحس إن شريكها شخص قوي, مميز ومستقل, مش عايزة حد يرعاها بس عايزة شريك يعتمد عليه في الحياة.

حب الإستحواذ:
انثى الأسد حياتها كلها بتتمحور حوالين حبيبها, بتعيش بس عشانة, بتبقي عايزة تقدمله كل حاجة عشان تسعده, بس عندها مشكلة خطيرة هي حب الإستحواذ, عشان كده خلي بالك من مخالب الأسد ومتخليهاش تسيطر عليك وخليك فاكر ديما إنها مبتحبش الراجل الضعيف.

دراما, دراما, دراما!
الحياة معاها كلها متعة واثارة, هي بتكره الروتين ودايما هتلاقيها بتفكر إزاي تجدد الحياة وبتعيشك في جو كله دراما, صعب جدا إن أي رجل يشعر بالملل وفي حياتة امرأة أسد.

كريمة وتحب تدلع اصحابها وعيلتها :
هي سخية جدا, صديقة وافية وبتجذب اللي حولها انهم يسعوا لصدقتها لانها بتعرف إزاي تتلذذ بالحياة وعشان الطاقة اللي بتشع منها, بتهتم قوي بأصحابها وبعيلتها وتحب تدلعهم وبترف كمان, زي ماهي شخص كريم كده, هي برده عندها قدرة عجيبة على إنها تسامح اللي حواليها لما يغلطوا في حقها, ممكن تسامح في أي حاجة إلا الخيانة!

اوقات كتير بتحس إن عندها مهمة تنظيم حياتهم “ممكن السيطرة إلى حد ما!” وإنها تشرف عليها وتتأكد إن حياتهم ماشية في المسار الصح, بتحس إن ده مسئولية شخصية بتعتها.

تعشق العمل :
انثى الأسد بتحب شغلها جدا, وبتاخد موضوع العمل ده بمنتهي الجدية, هي عارفة كويس إنها محتاجة تبقي متفوقة في شغلها عشان تعرف تعيش الحياة الممتعة المرفهة اللي هي بتحب تعيشها.

واثقة ولكن!
علي الرغم من ثقتها بنفسها واعتزازها بارئها وأفكارها, وإنها تحب تبقي في دائرة الضوء ومركز إهتمام اللي حواليها, بس انثى الأسد من جواها متواضعة جدا, وسهل قوي إنها تنكسر لو شعرت بالاهانة, وبيبان عليها جدا الإنكسار والحزن, هي أول واحدة تلوم نفسها لما تحصل حاجة غلط, عندها قدر هايل من تحمل المسئولية.

فخامة الأزياء :
طبعا بما إنها الملكة, هي بتحب الازياء فخمة الذوق, وتحب تلبس الحاجات اللي مفيش حد تاني بيلبسها, متحبش تبقي زي حد وتبقي مختلفة, ثقتها في نفسها بتخلي إن أي حاجة بتلبسها تليق عليها.

انثى الأسد من أكتر النساء اثارة وحياة بين كل الأبراج, عندها حس اخلاقي عالي, الشرف والنزاهة حاجتين اساسيتين لو إنت عايز تكسب قلبها.. لازم تقدرها وتحسسها إنها مميزة لانك فعلا هتبقي محظوظ لو هي موجودة في حياتك, تأكد إنك هتعيش حياة مختلفة, مثيرة ومميزة!

مقالات متعلقة بـ امراة برج الاسد

برج الاسد

برج الأسد اليوم

برج الأسد لهذا الاسبوع

برج الأسد لهذا الشهر

برج الأسد 2024

امراة برج الأسد

رجل برج الأسد

توافق برج الاسد مع باقي الابراج

خريطة الموقعFacebook twitter