تحميل برامج


رجل برج الجدي - الطموح المثابر

رجل برج الجدي
رجل برج الجدي

طموح، عملي، واقعي، عنده عزيمه واصرار ومثابرة ملهمش مثيل، شاطر قوي في التخطيط للمستقبل، بيعمل كل اللي يقدر عليه عشان يحقق اهدافه، جد واحيانا متحفظ، حاسب حياته وعلاقاته بالورقة والقلم ومع ذلك برضه عنده مساحة من الحرية والترفيه في حياته بس بشروطه طبعا،
وعشان نفهم شخصية رجل برج الجدي اكتر اقروا معانا الموضوع ده واتعرفوا على صفات رجل برج الجدي مواليد الفترة بين 22 ديسمبر الى 20 يناير.
مواصفات رجل برج الجدي





الحب بالعقل قبل القلب
العملية والواقعية مسيطرة عليه في كل حاجة حتى في مشاعره، بيدور على الحب الحقيقي طول حياته ولما بيلاقيه بيتمسك بيه وبيعمل جهده عشان يحتفظ به للابد، اما خطواته في البحث عن شريكته فهي اللي متعبه شوية وده لأن عنده مجموعة من الشروط والصور الذهنية اللي حيحطها قدام عينية ويقارنها بالواقع ولو لقى الواقع منطبق على شروطه دي بياخد خطواته الجديه بدون تردد اما بقى لو مكانش الواقع مناسب لخياله فهو بيبعد بدون تردد لانه ببساطة معندهوش وقت لالعاب الحب والمطاردات الغرامية.



الاخلاص بيحكم كل علاقاته
اكتر صفة مميزة لرجل برج الجدي هي الاخلاص، هو مخلص لاصدقائة وبيقدرهم جدا وميتأخرش عنهم في نصيحة او خدمة يقدر يقدمها وبيعمل ده بمنتهى الجدية والاخلاص كأنها قضيته الخاصة، ومخلص لعائلته ولشريكة حياته جدا، ومش بس كده هو كمان مخلص لنفسه ولطبيعته يعني على قد ما هو يحب التجمعات العائلية والاحاديث الاسرية لكن احترامه لنفسه بيخليه يضحك ويهزر في حدود.. يعني عمره ما يقلل من نفسه او يكون هو مادة الضحك او السخرية في اي تجمع لأنه مخلص لطبيعته العملية الجادة جدا ومايحبش يكسر الانطباع ده عن نفسه، والصفة دي بتحطه في مأزق كبير لأن في ناس كتير من اهله ومعارفه مش بيتفهموها بسهولة.

واضح وعاشق للاستقرار
رجل برج الجدي بيدور على العلاقة الجادة المستقرة، بيدي لنفسه ولشريكته الوقت الكافي لمعرفة العيوب والمميزات في الطرف الاخر وغالبا ما بيصارحها بوضوح بعيوبه وبنقاط ضعفه وبيفردها قدامها بمنتهى الوضوح عشان هو ما يحبش التلاعب ابدا، ورجل الجدي غالبا بيخاف اوي من اظهار مشاعره عشان كده مش بيقعد في مرحلة المصارحة بالمشاعر دي فترة طويلة غالبا ما بيعديها بسرعة و ويدور على الاستقرار اللي بيجي بعدها، من الحاجات اللي بيهتم إنها تكون في شريكة حياته هو قدرتها على الاحتفاظ بحياتهم الخاصة بعيد عن الناس… تحتفظ بأسرارهم بعيد عن النميمة وعدم الجدال معاه في الاماكن العامة واحترامة قدام الناس.



في الحب: أفعال لا اقوال!
رجل البرج ده رجل عملي حتي في علاقتة بحبيبته أو شريكة حياته, يعني هو مثلا مش بيكتفي مثلا بكلمة “بحبك” منها.. لأ هو بيبقي مستني من شريكته إنها تبينله ده عملي, بأفعالها واخلاصها والتزامها معاه ,بأنها تنفذ وعودها ليه, عشان كده هو مش بيتحمس قوي من الكلام والوعود إلا لما يشوف بعنيه صدق وتنفيذ الوعد ديه.

التخطيط للمستقبل البعيد جدا
من اكتر الحاجات اللي بتشغل رجل برج الجدي هي المستقبل، وهل هو مأمن نفسه ومستقبله ماديا ولا لأ، دايما يخطط لقدام اوي بعد التقاعد والمعاش وفي سنين العمر المتقدمة ويحب يحوش ويدخر ويفكر في المرحلة دي طول الوقت، مش بالساهل يغامر بفلوسه ويدخل في صفقات سريعة المكسب وده عشان طبيعته بتميل للتشاؤم والشك شوية فمش من السهل انك تقنعه بأنه يحط فلوسه في أي استثمار غير محسوب بدقة شديدة، اما مهاراته في التفاوض فبيحكمها قدرته على انه مش بيدي اي انطباع خالص اثناء المفاوضات فبيكون صعب جدا انك تقدر تقرأ افكاره وتعرف ايه اللي بديور في ذهنه من انطباعات وشه الجامد.

انيق في مظهره من غير مبالغة
رجل برج الجدي بيهتم بمظهره ودايما لبسه لايق عليه ومهندم بصرف النظر عن الموضة هو لبسه مش موضه السنة دي بس برضه مش قديم او مش ستايل، لأ هو ببساطة بيحصر نفسه في استايل معين يليق عليه ويلتزم بالمظهر المهندم، غاوي اوي لاالوان الترابية زي الكاكي والزيتي ودرجات البني، اما بقى التسوق وشراء الهدوم فهو مش بيحب الموضوع ده وبيعمله مضطر, بيشتري بس لما يكون فعلا محتاج انه يجدد هدومه، وبرجل برج الجدي دايما يفكر قبل ما يحط فلوسه في حاجة وبيحسبها كويس بس لما بيلاقي حاجة تستاهل بيشتريها حتى لو غالية.

مدمن شغل
رجل الجدي طموح جدا، بيحب الشغل ودايما هو اول اولوياته، هدفه الاساسي هو اتقان اللي بيعمله والتفوق فيه، عملي ويحافظ على بيئة العمل الرسمية لدرجة ان ساعات بتكون خالية من المشاعر، بيتحمل ضغط الشغل ومجتهد بيتفوق في الاعمال اللي بتحتاج اجتهاد وتركيز، من الوظايف اللي ممكن ينجح فيها جدا: محلل مالي, خبير استشاري, والعمل في البنوك والاستثمارات العقارية، وعشان بيقدر يخفي انطبعاته ورا قناع جامد بيكون شاطر جدا في المفاوضات واي عمل يتعلق بيها.

رجل برج الجدي واضح ،صريح، عملي ومخلص … أهم حاجة لازم شريكته تكون فهمهاها إن الرجل ده حقيقي عاطفي وحساس بس هو عمره ابدا مابيبين مشاعرة أو يكشفها. إلا لو قابل الانسانة اللي حتفهم طبيعته دي وتقدرها، وقتها هيظهر نفسه ومشاعرة العميقة تماما ليها لوحدها، وهتكتشف هو اد ايه عاشق مخلص وصبور وبيعرف كويس قوي إزاي يقدر يسعد شريكه حياته.

افلام اجنبى اون لاين افلام اكشن اون لاين

Sitemap خريطة الموقع Facebook Google+ twitter twitter twitter