رجل برج السرطان - العاطفي الشهم

رجل برج السرطان
رجل برج السرطان

رجل السرطان, خجول , غامض وإلى حد ما حزين .. في أول لقاء معاه هتلاقيه عدواني ومش ودود, عمره ما هينفتح في الكلام ويبدأ يدي فرصة في الكلام غير من نفسه ولما ياخد وقته, ومش من النوع اللي بيجي بالزن ولا بالعافية.
صعب إنه ينال اعجاب المرأة من أول لقاء, متقلب المشاعر وبسرعة شديدة. مش انفصال في الشخصية زي الجوزاء, لأ بس متقلب المزاج وعنده قدره على العطاء من الجانب العاطفي وبشده…
يلا نبدأ رحلة استكشاف مواصفات رجل السرطان بالتفصيل (من 21 يونيو لحد 22 يوليو):



حساس ومرهف المشاعر :
رجل السرطان حساس جدا ومرهف المشاعر, عشان كده لازم التعامل معاه يكون بحرص لأنه لو شعر بالأذي هتلاقيه بياخد موقف عدائي ساخر, بس ده مش شخصيته الحقيقية, ده بس قناع هو بيبقي لابسه عشان ميبينش انه مشاعره اتأذت, بس هو من جواه, حنون, طيب وعاطفي.

شهم وفارس :
السرطان رجل قديم الطبع, مثال لنبل الأخلاق, فارس وشهم جدا, ويعتمد عليه ,عمر ما حد بيحتاج له وممكن ميلقيهوش جنبه, سواء كان صديق أو فرد من عيلته. لو إنت صحبك سرطان, تأكد إن إنت مصاحب صديق العمر.



بيتوتي ومحب للعيله :
رجل السرطان بيقدر قوي أحساس البيت ولمة العيلة, من النوع اللي بيأثث بيت ويملاه أطفال يحبهم ويرعاهم.

رومانسي :
رجل السرطان انتقائي قوي, بيفضل يدور طول عمره على الحب,صعب قوي انه يحب من أول نظرة, بس بمجرد انه يلاقي فتاة احلامة بيطلع كل الرومانسية اللي جواه, رعاية, أهتمام, حب, دلع وكل ده من غير شريكته ماتطلب منه حاجة, كل اللي بيبقي محتاجة منها هو الحنان والطمأنينة ولو ملقاش ده منها هتلقيه بيسحب نفسه جوه القوقعة بتعته وصعب جدا إنه يثق في حد تاني

الحدس والحكمة :
عنده حكم جيد جدا على الأشخاص, بيعرف يقرا الناس كويس وده بيديله فرصة كويسة انه يترقي في مناصب مهمة في شغلة, بالإضافة الي أنه مقتصد وداهية في موضوع الماديات, هتلاقيه بيعرف يستثمر فلوسه فين ويجيب أرباح ومكاسب على المدى الطويل. ونادرا لما تلاقيه بيصرف فلوسه بغير حكمة.

توقعات الابراج 2023

خريطة الموقعFacebook twitter