حظك اليوم وتوقعات الأبراج الجمعة 3\4\2020 مع الفلكي ثابت الحسن

شارك مع أصدقائك

حظك اليوم مع الأبراج اليومية ليوم الجمعة 3 /ابريل / نيسان 2020 مع الفلكي ثابت الحسن

حظك اليوم برج الحمل ثابت الحسن

اليوم انت مانك مرتاح وعم تشعر ببعض التعب والإرهاق الجسدي والنفسي حاول تعمل شي بتحبه وتغير من نفسيتك وتكسب طاقة إيجابية تعطيك تحفيز لتقوم بأعمالك ومهماتك بشكل جيد . موضوع مالي عم يشغل تفكيرك وعم تفكر بزيادة دخلك لتسديد بعض الفواتير
❤عاطفيــا".. الشريك عم يتقرب منك حاول تعطيه الثقة وتعتمد عليه ببعض الامور ليصير في انسجام اكتر بينكما
💎طاقـــة بـرج الـحمل { 64 }

حظك اليوم برج الثور ثابت الحسن

عم تكون اليوم متألق و متميز وعندك حضور جذاب عم تثبت انك صاحب مسؤولية وعم تزيد ثقتك بنفسك . بتهتم بترتيبات بالبيت و بتعمل تنظيم جديد لأفراد أسرتك . تحصل على مبلغ مالي نتيحة تعبك وجهدك ممكن يوصلك عند المسا وتتمكن من شراء حاجات شخصية الك ❤عاطفيــا".. مشاعرك نحو الشريك عم تكون رومانسية وعم تشعره بالحب والاهتمام 💎طاقـــة بـرج الثور { 86 }

حظك اليوم برج الجوزاء ثابت الحسن

مشغول بالك ببعض القصص الي بتخص المستقبل وعم ترهق نفسك بالتفكير بأحداث بعيدة حاول تريح اعصابك وتعيش لحظتك وتنسجم مع المحيطين فيك لتشعر بالراحة والهدوء . مبلغ من المال عم تدخره لشراء شيء مهم الك.
❤عاطفيــا".. حاول تكون اكتر مرونة مع الشريك وتفهم وجهة نظره ممكن يفيدك بأفكاره
💎طاقـــة بـرج الـجوزاء { 67 }

حظك اليوم برج السرطان ثابت الحسن

ممكن تشعر بالوحدة والغربة وسط احبابك بسبب انشغالهم عنك وعدم التواصل المستمر بينكم لذا عليك الانشغال بما هو مفيد الك وتحاول تنظم جدول اعمالك او تخطط لمشروع تباشر فيه خلال الفترة القادمة وتملي وقت فراغك . انتبه لوضعك المالي واضبط نفقاتك ومصاريفك
❤عاطفيــا".. حساسيتك عالية وممكن تنزعج من اي ردة فعل بيقوم فيها الشريك لكنك عم تحاول تستوعبه وماتزعل منه
💎طاقـــة بـرج السرطان { 62}

حظك اليوم برج الأسد ثابت الحسن

يوم فيه تطورات إيجابية ومباحثات مهمة عم يكون عندك نشاط وحيوية بفترة الظهيرة وعم تنجز مهمات كنت مأجلها عم تشعر بالراحة لإتمامك جميع مهامك وعم تستغل وقت فراغك بشكل مناسب الك .عند المسا عم يزيد مصروفك وعندك مشتريات إضافية
❤عاطفيــا".. تقارب بوجهات النظر بينك وبين الشريك عم يعيد الاستقرار والهدوء لحياتك العائلية
💎طاقـــة بـرج الأسد { 71 }

حظك اليوم برج العذراء ثابت الحسن

عم تكون اليوم ديناميكي وواقعي عم تعطي نصائح لبعض المقربين منك وإرشادات مهمة لاعمالهم . بتستغل يوم عطلتك لتعيد ترتيب امورك الشخصية ومواعيدك المهنية حتى تكون مرتاح عند مباشرتك العمل . اهتمام احد المقربين منك فيك عم يعزز من ثقتك بنفسك ويمنحك طاقة اكبر
❤عاطفيــا".. حاول تستوعب مشاعر الشريك وغيرته عليك وتعطيه اهتمام ومحبة متبادلة لتعزز من مكانتك بقلبه
💎طاقـــة بـرج الـعذراء { 78 }

حظك اليوم برج الميزان ثابت الحسن

عندك اليوم استقلالية بنفسك وعم تكون مخطط ناجح بتتمكن من تحديد اهدافك بتحقق غايتك بسهولة وبتوصلك اخبار كنت ناطر تسمعها وتطورات إيجابية عند المسا . تحسن جيد بالوضع المالي وممكن تدخر مبلغ من المال لوقت الحاجة
❤عاطفيــا".. بتوضح وجهة نظرك للشريك والعلاقة بتميل نحو الاستقرار والتفاهم
💎طاقـــة بـرج الـميزان { 85 }

حظك اليوم برج العقرب ثابت الحسن

بتحاول تظهر بمظهر القوة وعم تخفي جواتك قلق وتوتر لكتير مواضيع شاغلة بالك بحياتك ومانك عارف منين بدك تبدأ لحل الامور بنصحك تكون واضح بافكارك وتستشير بعض المقربين منك لتقدر توصل لحلول جيدة وتتخلص من همومك الي تاعبتك . خفف من مصروفك واحذر من تراكم الديون عليك
❤عاطفيــا".. بتحاول تكسب محبة الشريك نحوك وتتعاون معه على حل بعض الامور
💎طاقـــة بـرج الـعقرب { 68 }

حظك اليوم برج القوس ثابت الحسن

عم تكون اليوم نشيط وحركتك سريعة عندك اهتمامك مختلفة عم تتابع بعض الامور المهنية او تراجع خطوات أساسية بتحضر لمشروع وبتدرس التفاصيل بشكل جيد وممكن تستشير اهل الخبرة ببعض الأمور . وضعك المالي اليوم جيد وعم تتمكن من شراء مايلزم لبيتك واسرتك
❤عاطفيــا".. تسمع كلام المديح والحب من الشريك يدخل السرور والمحبة بينكما
💎طاقـــة بـرج الـقوس { 79}

حظك اليوم برج الجدي ثابت الحسن

بتشعر ببعض التعب بالفترة الصباحية والتوتر عندك كتير من الامور الي لازم تقوم فيها ووقتك مليان مواعيد لهيك عم تنسق امورك وتنظم اهتماماتك وتلغي بعض المواعيد وتتقيد بالألتزامات الضرورية . نظم مصاريفك وانتبه لميزانيتك
❤عاطفيــا".. حاول تتفهم وضع الشريك وتوقف بجانبه رح يكون بحاجة لتشجيعك ودعمك له
💎طاقـــة بـرج الجدي { 76 }

حظك اليوم برج الدلو ثابت الحسن

بتشعر اليوم بالتفاؤل وعندك اشراق وتميز بافكارك بتعزز من ثقتك بنفسك وبتتخذ خطوات مهمة وجريئة بحياتك او ممكن تاخد قرار بشان بعض الامور العملية . مبلغ من المال كنت ناطره وممكن يوصلك بالوقت القريب
❤عاطفيــا".. بتحاول اليوم تكون قريب من الشريك وتقعد معه وقت اطول
💎طاقـــة بـرج الـدلو { 75 }

حظك اليوم برج الحوت ثابت الحسن

اليوم عندك هدوء واستقرار عم تشعر بالألفة والمحبة مع اسرتك عم تقوم بواجباتك بشكل روتيني ومنظم وممكن تتلقى اخبار جيدة عن شخص بعيد عنك وتتواصل معه هاتفيا . بتحتاج اليوم لمبلغ بسبط لشراء بعض الاشياء الضرورية
❤عاطفيــا".. اليوم الشريك بحاجة لدعمك وتشجيعك له عليك ان تكون قريب منه
💎طاقـــة بـرج الـحوت { 80 }
ملاحظة :
الابراج للتفائل فقط .. والغيب لايعلمه الا الله سبحانه وتعالى ... يومكم سعيد .. ثابت الحسن