26.6.2020
حظك اليوم وتوقعات الأبراج الجمعة 26\6\2020 مع الفلكي ثابت الحسن
شارك مع أصدقائك Tweet
حظك اليوم مع الأبراج اليومية ليوم الجمعة 26 حزيران يونيو 2020 مع الفلكي ثابت الحسن
حظك اليوم برج الحمل ثابت الحسن
تشعر بالتوتر والقلق وامورك مانها مستقرة وفي افكار عم تروح وتجي براسك ومانك عم تقدر تعمل شي بنصحك تطلع وتغير جو او تزور شخص بتحبو لتكسب طاقة إيجابية وتكسر الروتين الي عم تمر فيه. عندك مصاريف مالية كبيرة ومتطلبات انتبه لميزانيتك وحدد مشترياتك❤عاطفيــا”.. بالحوار والمناقشة بتتمكن من حل بعض الخلافات مع الشريك
💢طاقـــة برج الحمل { 60 }
حظك اليوم برج الثور ثابت الحسن
اليوم المسؤوليات كبيرة وعم تتحمل أعباء إضافية لكنك عم تكون نشيط وواعي لكل التفاصيل الي ممكن تحدث حولك وعم تكون حريص على سمعتك ووضعك الاجتماعي وبتكون اكتر دبلوماسية ولباقة بالتعامل مع الآخرين وهالشي عم يرفع من مستواك وتكون محبوب بين اصدقائك وأهلك . مبلغ مالي ممكن يوصلك وتشتري بعض الاشياء الضرورية❤عاطفيــا”… بتفهم وجهة نظر الشريك وهالشي عم يخلي العلاقة تكون مريحة وتتجاوز اي خلاف ممكن يحدث بينكما
💢طاقـــة برج الثور { 86}
حظك اليوم برج الجوزاء ثابت الحسن
حاول اليوم تكون اكثر جدية بالعمل وماتستهتر بالامور الصغيرة عندك مفاجآت جيدة واعمال إضافية بعد الضهر . وممكن يزورك بعض الاصدقاء وتأجل بعض الاعمال بسبب ديق الوقت إهمالك لصحتك مارح يكون جيد الك ممكن تشعر بالتعب عند المسا وتحتاج للراحة والهدوء . تحسن بالوضع المالي بيزيد من دخلك❤عاطفيــا”.. الشريك عم يخبرك كل التفاصيل الي عم تصير معه لتكون انت الداعم الاساسي له ويفضفض لك عن همومه
💢طاقـــة برج الجوزاء { 67 }
حظك اليوم برج السرطان ثابت الحسن
بتكون بحاجة لشوية تركيز وتمعن في بعض الامور الي عم تمر فيها وتعيد النظر ببعض الاوراق القانونية وممكن تعيد ترتيب افكارك وتحاول تزيد من مجهودك لتحقق نتائج مرضية . اهتمام من أحد المقرببن منك عم يخليك تشعر بالراحة والاستقرار بحياتك. الوضع المالي مو مستقر والمال الي عم يدخل عم يخرج بسرعة بسبب مصاريفك الزايدة .❤عاطفيــا”.. الشريك قلبه بينبض بالحب وبيعبرلك عن مشاعره عليك بالمبادرة نحوه
💢طاقـــة برج السرطان { 75 }
حظك اليوم برج الأسد ثابت الحسن
انت اليوم عم تكون حساس وفي امور كتير مانك رضيان عنها وحابب تعمل تغيير ببعض الامور وحتى ممكن تعدل بأسلوبك بالتعامل مع الآخرين لهيك اليوم عم تهتم بمصلتحك الشخصية وعم تعطي اهتمامك لعملك ولذوييك المقربين منك. بعد الضهر اجتماع عائلي ولقاء بيجمعك مع احبابك وعم تقضي سهرة حلوة ويكون مزاجك بحال افضل. المصاريف كبيرة والمشتريات عم تكون ضرورية❤عاطفيــا”.. لاتخلي المشاكل تكبر مع الشريك . المصارحة والعتاب افضل طريقة لحلها
💢طاقـــة برج الأسد { 78 }
حظك اليوم برج العذراء ثابت الحسن
اليوم عندك احداث مختلفة وممكن مرهقة الك بتعاني من التعب والإرهاق وخاصة بالفترة الصباحية ممكن تأجل مواعيدك لبعد الضهر بتلتقي مع شخص مقرب منك عم يعطيك التشجيع والدعم المعنوي لتتجاوز كل المهات الصعبة وعند المسا عم تكون بمزاج افضل وتعرف تحدد اهدافك ومستحقاتك . ماليا ممكن تتعرض لخسارة مالية عليك الحذر بعمليات البيع والشراء❤عاطفيــا”.. لاتغامر بعلاقتك مع الشريك وحافظ على الاستقرار والهدوء الي بينكما
💢طاقـــة برج العذراء { 72 }
حظك اليوم برج الميزان ثابت الحسن
يوم عم يكون مميز وعم تقضي وقتك قريب من الناس الي بيحبوك وبتقدم النصيحة لشخص قريب منك وبتأثر على قرارتو بتشعر بالثقة بالنفس والامور عم تمشي متل مابدك وممكن تعمل ترتيب جديد بحياتك وتنظم مواعيدك وتتعامل مع ناس جديدة لتوضع خطوات اساسية بشغلك . عندك إلتزامات مالية ودفع لهيك اليوم ممكن المصروف يزيد شوي❤عاطفيــا”… علاقتك مع الشريك عم تكون جيدة وعم تكون اكتر قرب منه وتحاول تمنحه طاقة إيجابية
💢طاقـــة برج الميزان { 85 }
حظك اليوم برج العقرب ثابت الحسن
بتسعى اليوم لتشعر بالراحة والاستقرار والامور عم تمشي بشكل جيد عم تسمع كلمات التشجيع من بعض المقربين منك وممكن يعرض عليك سفر او رحلة لمكان بالطبيعة وعم تعجبك الفكرة وعم ترتب امورك على هالشي . بتلتقي مع شخص عزيز صرلك زمان ماشفتو وبتشعر بالحنين لأيام ماضية❤عاطفيــا”.. الشريك عم يتقرب منك حاول تزيد اهتمامك فيه وتعبر عن محبتك له
💢طاقـــة برج العقرب { 69 }
حظك اليوم برج القوس ثابت الحسن
حتى بيوم العطلة انت عم تكون مشغول وعم تحاول تنظم امور المهنية وترتبها ورح تشهد تطور بالعمل بشكل متسارع والامور عم تتجه لصالحك عليك ان تكون خطواتك سريعة وتنظيمك لوقتك يكون منيح لتقدر تحقق مكاسب كبيرة وتنال ثقة المحيطن فيك . لقاء عائلي مميز عند المسا واجتماع مع الاحباب بعد غياب❤عاطفيــا”.. عم تسترجع ذكريات الايام الماضية مع الشريك وعم تعيد الحيوية لحبك
💢طاقـــة برج القوس { 81}
حظك اليوم برج الجدي ثابت الحسن
اليوم عندك نشاط اجتماعي وعائلي عم تكون اليوم حيوي بالمحيط الي انت فيه واكتر اندماج وتفاعل معهم وممكن تساعد الناس على حساب امورك الشخصية . عليك ان تهتم بنفسك شوي وماترهق حالك اكتر من اللازم . نشاطك بالعمل عم يعطي نتائج إيجابية وتحقق مكسب مالي❤عاطفيــا”.. انت بحاجة للحب والغرام وتعيش قصة مميزة مع الحبيب وهالشي رح تلاقيه مع شريك حياتك وحبيبك 💢طاقـــة برج الجدي { 82 }
حظك اليوم برج الدلو ثابت الحسن
عم تقوم بمباحثات واستشارات مع بعض الناس الي بتوثق فيهم و اليوم عندك فرصة كبيرة لتقدر تحقق نجاح وتعوض الخسارات السابقة الي مريت فيها عم تكون مجتهد وعم تشتغل لوقت طويل واخبار سارة رح توصلك بنهاية هاليوم وتكون مرتاح نفسيا. انفراج مالي بيحسن من وضعك المالي❤عاطفيــا”.. حاول تتواصل مع الشريك وماتهمله لاي سبب لان اليوم ممكن تكون حساسيته عالية
💢طاقـــة برج الدلو { 79 }
من مشاهير برج الدلو علي منصور
حظك اليوم برج الحوت ثابت الحسن
انت اليوم عم تشعر بالراحة وامورك عم تكون جيدة بفضل الجهد الي قمت فيه وعم تنهي كل اعمالك وواجباتك المطلوبة منك بعد الضهر ممكن تفكر تطلع مشوار وتغير جو او تلتقي مع بعض الأصدقاء ممكن تزيد مشترياتك حاول تنظم ميزانيتك . ناطر خبر بتسمعه عند المسا.❤عاطفيــا”…الشريك بحاجة لإهتمامك ورعايتك فلا تبخل عليه وخصص له بعض من وقتك
💢طاقـــة برج الحوت { 80 }
ملاحظة :
الابراج للتفائل فقط .. والغيب لايعلمه الا الله سبحانه وتعالى ... يومكم سعيد .. ثابت الحسن