حظك اليوم وتوقعات الأبراج الثلاثاء 24\12\2019 مع الفلكي ثابت الحسن

شارك مع أصدقائك

حظك اليوم وتوقعات الأبراج اليومية الثلاثاء 24\12\2019 مع الفلكي ثابت الحسن

حظك اليوم برج الحمل ثابت الحسن

اليوم بدك تنجز أمورك على أتم وجه و تحقق المزيد من المكتسبات لكن عندك شوية تعب و إرهاق لذلك من الاحسن انك تاخد قسط من الراحة عند فترة الضهر حتى تقدر تكفي يومك بحيوية , ممكن تتلقى مبلغ مالي أو هدية من شخص مقرب .
#عاطفيــا”.. الشريك عم يكون جنبك و بيقترح عليك المساعده .
#طاقـــة_بـرج #الـحمل { 84 }

حظك اليوم برج الثور ثابت الحسن

اليوم عم تنشغل كتير و عم تحس حالك انك عم تركض ما عم تلحق في كتير أعباء ملقاة على كاهلك و بدك تنجز القسم الكبير منها انت بتتميز بالصبر و صاحب إرادة قوية لذلك بتقدر تعمل الأشياء يلي بدك ياها مع بعض التأخير في الوقت .
#عاطفيــا”.. صراحتك مع الشريك و نقاشك الموضوعي معه بخلوك تكسب وده .
#طاقـــة_بـرج #الـثور {81 }

حظك اليوم برج الجوزاء ثابت الحسن

عم تقدر تستجمع قواك و تقوم بنشاطاتك كالمعتاد حاول ما تخلي الكسل يدخل عليك من جديد و فيك تستعين بصديق مقرب منك حتى يقضي معك بعض الحوائج و الامور يلي عم تعملك ارباك بالعمل ، مبلغ مالي ممكن يوصلك بيفرج ضيقتك نوعا ما .
#عاطفيــا”.. في تفاهم و استقرار بينك و بين الشريك و هاد الشي بيعطيك طاقة حلوة .
#طاقـــة_بـرج #الـجوزاء { 77 }

حظك اليوم برج السرطان ثابت الحسن

اليوم مناسب لإنجاز ما تراكم عندك من أعمال أمورك بشكل عام جيدة و عم تحصل على الأشياء يلي بتتمناها لكن بعد عناء و تعب ، في عندك أشخاص محبين داعمينك و عم يوقفو لجانبك بقوة حاول تستغل هالشيء حتى تحقق تقدم على الصعيد العملي و الإجتماعي .
#عاطفيــا”.. تقربك من الشريك و حبك له عم يخلوه يصبر و يتحمل معك .
#طاقـــة_بـرج #الـسرطان { 78 }

حظك اليوم برج الأسد ثابت الحسن

اليوم أمورك عم تكون بين المد و الجزر و عم تقدر تحقق أرباح جيدة عم تدعمك و تخليك تسد نفقاتك و احتياجاتك ، ممكن تاخد موقف من بعض الاشخاص يلي حولك نتيجة شعورك بتقصيرهم و ابتعادون عنك لا تروح بالقصة للآخر حتى ما تخسرون .
#عاطفيــا”.. في عندك فتور عاطفي مع الشريك ، كسرك للجليد بكلمة حلوة او هدية بسيطة بجدد المشاعر .
#طاقـــة_بـرج #الأسد { 76 }

حظك اليوم برج العذراء ثابت الحسن

اليوم مميز عندك كتير لقاءات و أتصالات عم تكون نشيط و نجمك لامع ، حاول تتخلى عن ردات فعلك العنيفة و لا تكون لجوج كتير حتى ما تملل يلي حواليك او تتصادم مع أشخاص بحبوك ، حظوظك المالية جيدة ، ممكن يرجعلك دين قديم او ربح سريع من نشاط تجاري محدد.
#عاطفيــا”.. عندك محبة كبيرة للشريك و تقدير لدعمه الكبير إلك .
#طاقـــة_بـرج #الـعذراء { 85 }

حظك اليوم برج الميزان ثابت الحسن

اليوم عم تكون مسرور و سعيد لشعورك بمحبة الآخرين إلك و عم تقدر تحول هالمحبة لطاقة إيجابية بتعم على الجميع ، انتبه من الغرور و ما تسمح للأضواء المسلطة عليك بقوة انه تنسيك وين مكانك بالضبط و شو لازم تعمل حتى تتقدم أكتر و أكتر .
#عاطفيــا”.. في شيء من الحساسية المبطنه بينك و بين الشريك لكنك بترطب الأجواء معه .
#طاقـــة_بـرج #الـميزان { 80 }

حظك اليوم برج العقرب ثابت الحسن

اليوم عندك مسؤولية و أعباء عم تضطر تواجهها و تنجز أعمالك بقدر مناسب من الحذر و التركيز ، فيك تأجل بعض الأعمال المهمة يلي مانك قادر تنجزها اليوم ليوم تاني بتكون فيه طاقتك أفضل ، عندك كتير أفكار لكن ما عم تعرف شو لازم تعمل لتطبيقها .
#عاطفيــا”.. وجود محبة الشريك و رعايته إلك هو السبب الرئيسي حتى عم تقدر تكفي يومك .
#طاقـــة_بـرج #الـعقرب {74}

حظك اليوم برج القوس ثابت الحسن

اليوم عندك تألق و حضور جيد ضمن الوسط المحيط فيك عم تفكر تلتقي بالأصدقاء و المحبين و تعمل جو من التسلية و المرح حتى تغير جو و تبتعد عن النكد و ضيق الخلق يلي رافقوك بالفترة الماضية ، عندك كتير مصاريف ممكن تستلف مبلغ من صديق.
#عاطفيــا”.. مراعاتك للشريك و احساسه بالغيرة بخلو العلاقة أمتن و أقوى .
#طاقـــة_بـرج #الـقوس {76 }

حظك اليوم برج الجدي ثابت الحسن

اليوم أمورك جيدة عموما و عم تقدر تثبت مكانتك بين الزملاء ، عم تحاول تخلي مسافة بينك و بين جميع الأصدقاء و المقربين و تعمل إعادة تقييم لعلاقاتك و تتصرف على أسس واضحة و جديدة معون .
#عاطفيــا”.. عم تقدر تعب الشريك و الجهد الكبير يلي عم يبذله و بتحاول تساعده قدر الإمكان .
#طاقـــة_بـرج #الـجدي { 78}

حظك اليوم برج الدلو ثابت الحسن

اليوم عندك طاقة قوية و حلوة عم تشعر بالنشاط و القدرة على التحكم بمجريات الأمور من حولك ، انتبه على تصرفاتك و ما تطلق العنان لأفكارك و خيالاتك حتى ما توقع بمطب ماكنت حاسب حسابه ، امورك المالية بحاجة لإعادة تحفيز عم تنطر حتى يوصلك مبلغ يسندك.
#عاطفيــا”.. عم تشكل مع الشريك ثنائي رائع و تحقق معه رغباتكون و أمنياتكون .
#طاقـــة_بـرج #الـدلو { 77}

حظك اليوم برج الحوت ثابت الحسن

اليوم عم تهتم بمن حولك أكتر من أي وقت مضى و عم تقدر توزع اهتمامك للأشخاص المحيطين فيك بطريقة شبه متوازنة و فيها محبة كبيرة للجميع ، عم ينعرض عليك مشروع جديد أو الدخول بصفقة جديدة لازم تاخد القرار الصحيح و ما تتردد كعادتك و ماخاب من استشار.
#عاطفيــا”.. لا تخلي الشريك يحتار كيف لازم يتصرف معك خليك واضح بمواقفك .
#طاقـــة_بـرج #الـحوت {79}