19.7.2020
حظك اليوم وتوقعات الأبراج الاحد 19\7\2020 مع الفلكي ثابت الحسن
شارك مع أصدقائك Tweet
حظك اليوم مع الأبراج اليومية ليوم الاحد 19 تموز يوليو 2020 مع الفلكي ثابت الحسن
حظك اليوم برج الحمل ثابت الحسن
انت اليوم عصبي شوي على غير عادتك وعم تحرق اعصابك عالفاضي لاتستعجل الامور وطول بالك شوي . بنصحك تنظم مواعيدك وترتب امورك وهيك رح تشعر بالراحة ومارح يصير عليك ضغط وتراكم اعمال يوترك . سفر بتأجله حتى يتحسن وضعك المالي لتقدر تتحرك بسهولة❤عاطفيــا"... حاول انك ماتفش خلقك بالشريك وتفرغ طاقتك من دون ماتجرح مشاعر احد
💢طاقة برج الحمل { 63 }💯
حظك اليوم برج الثور ثابت الحسن
انت اليوم عم تكون قريب من عائلتك واحبابك وعم تشعر بالاستقرار والهدوء حافظ على نظامك اليومي ولاتحاول تفوت بقصص ونقاشات ممكن تفتح عليك بواب مسكرة وتوجع راسك بأحاديث وأوقاويل صارت من الماضي . ماليا عم تضطر تصرف زيادة لأسباب كتير ضرورية❤عاطفيــا"... علاقتك مع الشريك مستقرة وحتى لو زعل منك رح يعرف كيف يكسبك ويراضيك
💢طاقة برج الثور { 76 } 💯
حظك اليوم برج الجوزاء ثابت الحسن
لاتتخلى عن احلامك لمجرد انك تعبت وحاول انك توصل لهدفك بشوية دبلوماسية مع بعض الاطراف الي بتعرف انك رح تستفيد منها وتساعدك بالوقت المناسب . بعد الضهر عم تتلقى اتصال من شخص عزيز وغايب عنك وعم تشعر بالشوق له . ماليا لاتستعجل بشراء بعض الاشياء قبل ماتعرف شو الك وشو عليك❤عاطفيــا"... لقاء بيجمعك مع من تحب او اخبار سارة بتوصلك من شريك حياتك
💢طاقة برج الجوزاء { 77 }💯
حظك اليوم برج السرطان ثابت الحسن
نفسيا انت اليوم مرتاح وعم تشعر بالسرور والسعادة ضمن الوسط المحيط فيك حاول انك ماتبتعد عن هدفك وتشتت ذهنك بأفكار مختلفة في مواضيع قانونية ممكن تشغل بالك وعم تستشير اكتر من حدا لتتجنب الوقوع بالخطأ . ماليا بتضطر لدفع مبلغ من المال بشكل مفاجئ❤عاطفيــا"... عم تعطي اهتمام وانتباه للشريك وهوي بالمقابل رح يزيد من اهتمامه فيك
💢طاقة برج السرطان { 81 } 💯
حظك اليوم برج الأسد ثابت الحسن
انت اليوم عم تحقق إنجاز جيد بشغلك وعم توصل لنقاط حساسة ومهمة بعملك مجهودك كبير واحلامك اكبر وهالشي عم يساعدك لتكمل مشاريعك بنفسك وتتجاوز بعض الصعوبات بفضل همتك ونشاطك . بعد الضهر عم تنهي قصة كانت شاغلي بالك وعم ترتاح نفسيتك وتشعر بالاستقرار بحياتك . ماليا ممكن يوصلك مبلغ من المال بالوقت المناسب وعم تشتري اشياء ضرورية الك❤عاطفيــا"... تصرفاتك عم تعجب الشريك وعم يزيد إعجابه ومحبته الك
💢طاقة برج الأسد { 85 }💯
حظك اليوم برج العذراء ثابت الحسن
المواضيع الي صرلها فترة شاغلي بالك رح تنحل بالتدريج واليوم في مين عم يساعدك ويدعمك معنويا لهيك عم تشعر بالقوة والعزيمة لتواجه المشاكل الي عم تواجهك . وعندك اولويات عم تباشر فيها ورح تخطي خطوات مهمة . ماليا مصاريفك كبيرة هالفترة والمدخول محدود حاول انك تخفف شوي❤عاطفيــا"... لاتضغط على الشريك وخليك مسايره لان ممكن تحتاجه ليرتب معك بعض الامور
💢طاقة برج العذراء { 68 } 💯
حظك اليوم برج الميزان ثابت الحسن
انت اليوم عم تشعر بالملل وحاسس حالك عم تشتغل ومانك عم تلحق ومقضي هالعمر ركض إلك ولغيرك اليوم رح تفكر انك تريح حالك وتاخد ولو إجازة بسيطة وحابب تمشي بالحديقة او تسترخي ضمن أحضان الطبيعة . اما ماليا فانت رح تأجل بعض المصاريف لوقت تاني وتحاول تدخر مبلغ بسيط رح تحتاجه بالايام الجاي❤عاطفيــا"... الشريك عم يتعبك بطلباته وحاسس انو مقيدك كتير
💢طاقة برج الميزان { 67 }💯
حظك اليوم برج العقرب ثابت الحسن
حاول اليوم تكون نشيط ولاتهمل واجباتك وتقصر بآداء عملك ممكن تسمع ملاحظة او توجيه من احد الزملاء عليك اخذ الامور بروح رياضية وتحاول تستفاد من الملاحظات الي توجهت الك . الاوضاع المالية مانها مريحة الك ولاتحاول تفوت بتجارة قبل دراستها منيح حتى ماتوقع بخسارة مالية❤عاطفيــا"... ممكن تعتمد على الشريك ويكون سند الك اذا عرفت كيف تتعامل معه وتكسبه
💢طاقة برج العقرب { 67 }💯
حظك اليوم برج القوس ثابت الحسن
في كتير قصص ممكن تصير معك او تتعرض الها لكنك عم تتجاهلها وتعتبرها انها شي ثانوي وعم تغض النظر عن كتير أخطاء حولك لكن صبرك مارح يخدمك لوقت طويل وممكن بأي لحظة تنتقد الناس الي حولك او الي عم تتعامل معهم . مهنيا الامور عم تمشي متل ماخططت لها وعم تراقبها عن بعد . ماليا مبلغ مالي بسيط ممكن يوصلك وتفك ديقتك فيه❤عاطفيــا"... سوء تفاهم بينك وبين الشريك حاول انك تشرح وجهة نظرك وتبرر موقفك
💢طاقة برج القوس { 74 } 💯
حظك اليوم برج الجدي ثابت الحسن
حيويتك ونشاطك اليوم عم يخلوك مميز بين المحيطين وعم تتلقى اتصالات من عدة اشخاص وعلاقاتك الاجتماعية عم تكون كبيرة . مهنيا امورك منظمة وجيدة وانت بحاجة فقط للوقت لتكمل مشاريعك وعم تحاول انك ماتفصح عن امورك المهنية قبل ماتتمكن من تحقيق نتائج ترضى عنها . الامور المالية ممكن تتحسن خلال هاليومين❤عاطفيــا"... انجذاب الشريك نحوك عم يكون له تأثير إيجابي على علاقتكما مع بعض
💢طاقة برج الجدي { 78 }💯
حظك اليوم برج الدلو ثابت الحسن
عم تكون اليوم رايق وأمورك جيدة ممكن تعمل تغيير بديكور بيتك وتهتم بتصليح بعض الاشياء الي بتخص منزلك يوم عندك نشاط وحيوية وعم تقوم بعدة امور كنت مأجلها وعند المسا ممكن تهتم بوضعك الصحي وتعمل تمارين رياضية لزيادة اللياقة البدنية .ماليا عليك زيادة مجهودك لتحصل على مدخول اكبر❤عاطفيــا"... حاول انك تستوعب الشريك وتهتم بأمور هوي بحبها ليصير في انسجام اكبر بينك وبينه
💢طاقة برج الدلو { 78 }💯
من مشاهير برج الدلو علي منصور
حظك اليوم برج الحوت ثابت الحسن
الانعزال الي انت عايش فيه مارح يفيدك ورح يخلي نفسيتك تتعب بدي منك تطلع من الروتين الي عايش فيه وتغير أسلوبك بالتعامل مع الآخرين رح تشوف الحياة بشكل مختلف ورح تنسجم مع الناس القريبة منك والي بتحبك بس ناطرة منك مبادرة . ماليا وضعك مانو مستقر وعم تشعر بالقلق والتوتر احيانا وعم تحاول انك تلاقي مردود إضافي لدخلك❤عاطفيــا"... علاقتك مع الشريك عم تكون افضل وعم تحاول انك تحافظ على الهدوء الي صاير بينك وبينه والمواضيع الي بتزعجه عم تبتعد عن إثارتها
💢طاقة برج الحوت { 70 }💯
ملاحظة :
الابراج للتفائل فقط .. والغيب لايعلمه الا الله سبحانه وتعالى ... يومكم سعيد .. ثابت الحسن