حظك اليوم وتوقعات الأبراج الخميس 19\3\2020 مع الفلكي ثابت الحسن

شارك مع أصدقائك

حظك اليوم وتوقعات الأبراج اليومية الخميس 19\3\2020 مع الفلكي ثابت الحسن

حظك اليوم برج الحمل ثابت الحسن

عزيزي برج الحمل اليوم عندك ضغوط بالعمل نظم وقتك واستجمع طاقتك لتخلص باقصر وقت ممكن انت بحاجة لحدا يرفع من معنوياتك ويعزز من ثقتك بنفسك. عم تفكر كتير بامور عائلية وعم تتحمل المسؤولية الاكبر. صحيا.. لاتخلي طاقتك متدنية وحاول تقوم ببعض التمارين الرياضية لتزيد من نشاطك وطاقتك ماليا… مشغول بالك بوضعك المادي وعم تشعر ببعض الضيق عاطفيــا”.. عم تشعر ببعد الشريك عنك حاول تعرف ظروفه وتخفف عنه لتحسن العلاقة معه طاقـــة بـرج الـحمل { 72 }

حظك اليوم برج الثور ثابت الحسن

عزيزي برج الثور حاسس حالك اليوم مشتت وعم تزداد مسؤولياتك بنصحك ماتفكر بشكل سلبي وخليك متفاءل لتعكس على الاشخاص المحيطين طاقة ايجابية. ممكن تتأخر بآداء اعمالك وتضطر لطلب المساعدة صحيا.. عم تشعر ببعض التعب نتيجة ضغط الاعمال ماليا… ناطر يوصلك مبلغ من المال يفك ديقتك عاطفيــا”.. عم تتجدد مشاعر الحب بينك وبين الشريك حافظ على استقرار العلاقة طاقـــة بـرج الـثور { 69 }

حظك اليوم برج الجوزاء ثابت الحسن

عزيزي برج الجوزاء اليوم عم تشعر بارتياح نسبي على معظم الاصعدة. عم تكون دبلوماسي مع الناس المحيطين فيك هالشي بحسن العلاقة معهم. بتحاول تتجنب الدخول باي موضوع او نقاش مالك فيه ناقة ولا جمل صحيا.. اليوم حاسس بنشاط وطاقتك عالية ماليا.. عندك التزامات مالية ومال داخل وخارج من ايدك عاطفيــا”.. ممكن ياخد الشريك برأيك بموضوع مشترك بينك وبينه طاقـــة بـرج الـجوزاء { 76 }

حظك اليوم برج السرطان ثابت الحسن

عزيزي برج السرطان اليوم عم يكون عندك اتصالات كتير ممكن تلغي بعض المواعيد او تأجلها لوقت لاحق. عم تفكر ببيع او شراء عقار . بنصحك تخصص بعض الوقت لتهتم بحالك اكتر . عند المسا ممكن تسمع خبر يفرحك صحيا.. وضعك الصحي اليوم افضل حاول تخفف من المنبهات ماليا.. ممكن يوصلك مبلغ مالي تشتري فيه حاجة ضرورية عاطفيــا”.. العلاقة مستقرة مع الشريك و فيها ود و احترام طاقـــة بـرج السرطان { 73 }

حظك اليوم برج الأسد ثابت الحسن

عزيزي برج الاسد اليوم مناسب حتى تكفي ما كنت تقوم به من اعمال ، عم تهتم بحالك و تعتني بمظهرك الخارجي و تفاصيل متعلقة بشخصيتك حتى تبقى بإطلالة و أناقة ملحوظين . ممكن تحصل على هدية رمزية من صديق بتفرح فيها صحيا.. اليوم عندك شوية تعب عم تشعر بضرورة أخذ قسط من الراحة . ماليا..أمورك المالية جيدة و عم تقدر توفي ماعليك من التزامات . عاطفيــا”.. علاقتك مع الشريك جيدة في تفاهم بينك و بينه . طاقـــة بـرج الأسد { 75 }

حظك اليوم برج العذراء ثابت الحسن

عزيزي برج العذراء اليوم طاقتك جيدة و مناسبة حتى تنجز ما عليك من اعمال عم تقدر تقدم مساعدة للزملاء و تكون مصدر طاقة ايجابية لمن حولك ، عند المسا ممكن يزورك صديق عزيز و تنسر بشوفته . امور بتتعلق بالعمل بلشت تنحل وتتوضح امامك الامور صحيا.. عندك تحسن بوضعك الصحي نتيجة اهتمامك و التزامك بتعليمات الطبيب . ماليا.. عم تسعى حتى تزيد مردودك المالي و تحسن دخلك . عاطفيــا”.. خصص وقت للشريك و سماع همومه و مشاكله . طاقـــة بـرج الـعذراء { 80 }

حظك اليوم برج الميزان ثابت الحسن

عزيزي برج الميزان يوم مناسب و حركتك فيه جيدة عم تحاول تخلص شغلك عبكير حتى تتفضى لعائلتك وأسرتك ، تجنب تدخل بمواضيع ممكن يجيك من وراها يجيك وجع راس . بتوجه نصيحة او مساعدة لاحد الاشخاص الي بهمك امرو صحيا.. اليوم عم تهتم بصحتك و تستشير الطبيب باي عارض صحي ممكن تشعر فيه . ماليا..عندك دفع لمبلغ مالي بشكل طارئ ممكن يكون سببلك ضغط مالي . عاطفيــا.. في اهتمام ملحوظ من قبل الشريك تجاهك و عم يتقرب منك . طاقـــة بـرج الـميزان { 74 }

حظك اليوم برج العقرب ثابت الحسن

عزيزي برج العقرب اليوم عم تكون اكثر واقعية مما مضى و عم تعمل توازن بين ما تتمنى و بين ما انت عليه و واقعك ، عندك حس للمسؤولية و هاد الشي كتير منيح لامورك المستقبلية . بتتواصل مع بعض المقربين الكترونيا صحيا .. امورك الصحية جيدة و لكن لا تخلو من اعراض بسيطة متعلقة بالام بالمجاري البولية او الكليتين . ماليا.. عم تضغط حالك و تقتصد بمصروفك . عاطفيــا.. عم تقدر تعب الشريك و تراعي نفسيته و مزاجه . طاقـــة بـرج الـعقرب { 71 }

حظك اليوم برج القوس ثابت الحسن

عزيزي برج القوس طاقتك ممتازة عندك كتير من الافكار يلي حابب انك تطبقها و تقوم فيها ، عم تكون مصدر للطاقة و النشاط و عم يشعر بذلك اي شخص ممكن يتواصل معك . عم تهتم ببعض الامور المتعلقة بالعائلة والمنزل وعم تكون المحور الاساسي لمن حولك صحيا… امورك الصحية جيدة و عم تساعدك حتى تنهي اعمالك . ماليا… امورك المالية جيدة في عندك وفر و دخل غير متوقع . عاطفيــا”.. لا تهمل الشريك و خصص له جزء من وقتك حتى ما تزعجه . طاقـــة بـرج الـقوس { 87 }

حظك اليوم برج الجدي ثابت الحسن

عزيزي برج الجدي اليوم عندك ضغط بالعمل و انشغال بأكتر من أمر عندك صبر و جلد حتى تنهي اعمالك بالشكل المطلوب لكن انتبه خصوصا أثناء التعامل مع أوراق حكومية او قانونية . استغل الفرص او العروض لمصلحتك صحيا.. اليوم وضعك الصحي مستقر لكن بنصحك تريح حالك في حال شعرت بالتعب ماليا… عندك مصاريف كتير و بدك تكسب المزيد من الارباح حتى تغطي نفقاتك عاطفيــا”.. عندك بعض الانتقادات على تصرفات الشريك لكن ذلك لا يفسد للود قضية . طاقـــة بـرج الـجدي { 76 }

حظك اليوم برج الدلو ثابت الحسن

عزيزي برج الدلو اليوم حابب انك تبتعد عن الاجواء الصاخبة و يلي فيها كتير لقاءات و تماس مباشر مع اشخاص مو كتير بترغب انك تقابلون ، عم تبحث عن السكينة و الهدوء هالشي بتلاقيه ببيتك وضمن عائلتك. عندك بعض الاعمال لكن ممكن بتأجلها ليوم آخر. صحيا.. عم تراقب وضعك الصحي و تتجنب اي شيء ممكن يسببلك تعب او جهد كبير . ماليا… عم تتصرف بطريقة تتناسب مع دخلك و وضعك المالي . عاطفيــا”.. في اتفاق و تفاهم مع الشريك و هاد شيء ايجابي للطرفين. طاقـــة بـرج الـدلو { 77 }

حظك اليوم برج الحوت ثابت الحسن

عزيزي برج الحوت اليوم انت مميز بطلتك وطاقتك جيدة جدا و عندك كتير مشاريع و اعمال مهمة بدك تقوم فيها ، عم تحاول تستغل هالشي حتى تحقق مزيد من التقدم و النجاح وتثبت مكانتك ضمن الوسط المحيط فيك صحيا… عم تعوض ما فاتك من تمارين رياضية و تهتم بلياقتك . ماليا… عم تشتري اغراض شخصية و تصرف مبلغ مالي كنت حاططه لوقت الضيق . عاطفيــا”.. علاقتك مع الشريك غنية بالاحداث يلي فيها مد و جزر و عم تبدي محبتك و غيرتك تجاهه طاقـــة بـرج الـحوت { 85 }