حظك اليوم وتوقعات الأبراج الاحد 19\1\2020 مع الفلكي ثابت الحسن

شارك مع أصدقائك

حظك اليوم وتوقعات الأبراج اليومية الاحد 19\1\2020 مع الفلكي ثابت الحسن

حظك اليوم برج الحمل ثابت الحسن

اليوم عم تقوم بأعمالك و مهامك على أكمل وجه ، حظوظك جيدة و عندك طاقة كبيرة و حابب تخلص الاعمال يلي كنت مأجلها بنصحك تزيد من مجهودك بالعمل لتحصل على مردود مالي افضل. عند المسا ممكن يظهر عليك علامات التعب و الجهد لازم ترتاح حتى تسترد قوتك و طاقتك .
عاطفيــا”.. في اهتمام و رعاية من الشريك و عم يقوم بأشياء انت بتحبها .
طاقـــة بـرج الـحمل { 80 }

حظك اليوم برج الثور ثابت الحسن

اليوم عم تقدر رغم التعب يلي عم تعاني منه انك تقوم بواجباتك ، قوة تحملك و صبرك بخلوك تحافظ على مكتسباتك ، انتبه من الدخول في نقاشات بلا فائدة و ما بيجيك منها غير وجع الراس ، حظوظك المالية جيدة . عندك نقاشات مع احد الاصدقاء وممكن تفضي له همومك
عاطفيــا”.. في محبة و اهتمام بينك و بين الشريك و هاد الشي عم يمدك بالطاقة .
طاقـــة بـرج الـثور { 79 }

حظك اليوم برج الجوزاء ثابت الحسن

مع بداية اليوم بتهتم بمظهرك و أناقتك و بتحب تظهر بأبهى حلة ، عم تمارس دورك بكفاءة عالية و عم تتحمل مسؤولياتك على اكمل وجه ، عند المسا بتجمع مع أشخاص بتحبون و بتناقش معون أمر اجتماعي مهم و بتطرح أفكارك بكل جرأة . وضعك المالي مستقر وماعم تصرف الا للضرورة
عاطفيــا”..في تخاطر بينك و بين الشريك عم تحاول ما تشعره بضعفك
طاقـــة بـرج الـجوزاء { 81 }

حظك اليوم برج السرطان ثابت الحسن

اليوم فيه كتير أعباء و مشاكل عم تواجهك عم تقدر تتصرف بشكل صحيح و بهدوء ، عم تطلب المساعدة و العون من أحد الأصدقاء و عم تأدي الدور المطلوب منك لكن في توتر و ضغط داخلك عند المسا بتتحسن أحوالك . ناطر اتصال مهم او تسمع خبر بخص موضوع شاغل بالك
عاطفيــا”.. بيوقف الشريك لجانبك و بيتفهم حاجتك لوجوده جنبك .
طاقـــة بـرج السرطان { 73 }

حظك اليوم برج الأسد ثابت الحسن

اليوم عندك طاقة كبيرة امورك جيدة فيها و حظوظك العملية و المالية مناسبة و جيدة جدا ، قدرتك على تجاوز اي مشكلة و انك توجد حل لمعظم العقبات عم يكون سر من اسرار نجاحك ، عم تقدر تسيطر على الامور من حولك ، مبلغ مالي بيوصلك بوقته المناسب . وممكن تستقبل ضيوف بشكل مفاجئ
عاطفيــا”.. بتحيط الشريك بكم كبير من الرعاية و المحبة و بتمده بالطاقة الايجابية .
طاقـــة بـرج الأسد { 85 }

حظك اليوم برج العذراء ثابت الحسن

اليوم امورك العملية جيدة عندك لقاء مع شخص في شراكة عمل معه و بتضغط عليه حتى تنهي الامور العالقة يلي بينك و بينه عليك ان تتمتع بالدبلوماسية والحنكة ، في عندك فرصة للدخول بمشروع جديد بدر عليك الارباح لكنك بتتردد و بتاخد وقتك قبل ما تقرر ، امورك الصحية بحاجة لمزيد من الرعاية .
عاطفيــا”.. عامل الشريك متل ما بتحب يعاملك حتى تملك محبته و قلبه
طاقـــة بـرج الـعذراء { 78 }

حظك اليوم برج الميزان ثابت الحسن

اليوم عندك كتير امور شاغلتك و مانك فاضي تحك راسك في ضيق بالوقت و ضغط بالمواعيد ، عند المسا بتهتم بشخص عزيز عليك و بتعطيه جل وقتك و لو على حساب شغلك و مواعيدك ، فرصك المالية جيدة و بالمقابل عندك دفوعات و التزامات كتيرة . ممكن تتلقى دعوة للاجتماع مع الاصدقاء.
عاطفيــا..بتحصل على محبة و ود الشريك بسبب مواقفك الايجابية معه
طاقـــة بـرج الـميزان { 70 }

حظك اليوم برج العقرب ثابت الحسن

اليوم مناسب حتى تمارس عملك اليومي المعتاد ، عم تبقى بعيد عن اي مشكلة او التدخل بالمحيطين حابب تريح راسك و تتصرف كمراقب من بعيد ، عم تخطط للتدخل بعمل جديد لكن ناطر الفرصة المناسبة حتى تطرح الفكرة . عليك بالمبادرة اتجاه الاصدقاء المقربين لتحافظ على العلاقة معهم.
عاطفيــا”.. في تفاهم بينك و بين الشريك و هاد بينعكس على نفسيتك بشكل ايجابي
طاقـــة بـرج الـعقرب { 76 }

حظك اليوم برج القوس ثابت الحسن

اليوم عم تحظى بالرعاية و المحبة ممن حولك و عم تكون محور اهتمام المحيطين فيك و هاد الشي بخليك مسرور ، عم تساهم بشكل فعال بتجميع الآراء و تقريب وجهات النظر ضمن عائلتك ، عند المسا ممكن تضطر لزيارة الطبيب للاطمئنان على صحتك .
عاطفيــا”.. محبتك للشريك واضحة و فيها قدر كبير من المحبة و الاحترام المتبادل .
طاقـــة بـرج الـقوس { 83 }

حظك اليوم برج الجدي ثابت الحسن

اليوم عم تعطي كل شيء حقه ، بتقوم بدورك على الشكل المطلوب و بتلتزم بكل مواعيدك و بتنجز اعمالك بشكل صحيح ، ممكن تضطر تسافر حتى تقوم بمهمة موكلة الك لازم تنتبه على صحتك و ما تهمل اي عارض صحي بتتعرضله .
عاطفيــا”.. عم تعبر للشريك عن محبتك و اهتمامك فيه و بتبادر تجاهه
طاقـــة بـرج الـجدي { 81 }

حظك اليوم برج الدلو ثابت الحسن

اليوم حظوظك جيدة و عندك مواعيد كنت مأجلها ، عم تنجز اعمالك بسرعة حتى تتفضى لنفسك و تهتم بامورك الشخصية ، عم تتعرض للنقد و عم تدافع عن أفكارك و تصرفاتك و تثبت وجهة نظرك ، ممكن تستلف مبلغ مالي حتى توفي بعض الالتزامات .
عاطفيــا”.. محبة الشريك الكبيرة و غيرته عليك عم تخليك تعرف قيمتك عنده .
طاقـــة بـرج الـدلو { 80 }

حظك اليوم برج الحوت ثابت الحسن

اليوم عم تستلم زمام المبادرة و تقوم بالاشياء المطلوبة منك على اكمل وجه ، بتتلقى اتصال من شخص الك زمان ما حكيت معه ، عند المسا بتهتم بامورك المنزلية و بافراد عائلتك .
عاطفيــا”.. إطلالتك و بسمتك بوجه الشريك عم يخطفو قلبو و يلفتو أنظارو .
طاقـــة بـرج الـحوت { 86 }