حظك اليوم وتوقعات الأبراج السبت 18\7\2020 مع الفلكي ثابت الحسن

شارك مع أصدقائك

حظك اليوم مع الأبراج اليومية ليوم السبت 18 تموز يوليو 2020 مع الفلكي ثابت الحسن

حظك اليوم برج الحمل ثابت الحسن

اليوم الظروف مناسبة الك لتثبت براعتك بشغلك وتقدم احسن ماعندك بعد فترة من الركود لهيك بدي منك تحسبها صح وتعطي تركيز واهتمام اكبر لشغلك .اليوم عم يكون عندك مسؤوليات جديدة وممكن تبذل مجهود كبير خلال هاليوم لتحقق غايتك . اما ماليا المال عم يطير قبل مايدخل ع ايدك بسبب تراكم الفواتير هالفترة
❤عاطفيــا"... الشريك بيحاول يقنعك بوحه نطره فحاول انك تكون مستمع جيد وتسمعه للاخر
💢طاقة برج الحمل { 71 }💯

حظك اليوم برج الثور ثابت الحسن

انت اليوم عم تشتغل على شحن طاقتك الإيجابية وعم تهتم بأمورك التفسية لهيك ممكن تطلع وتغير جو او ممكن تزور ناس بتحبهم او تكلمهم عن طريق الهاتف او النت. وعند المسا ممكن تجتمع مع اعز الناس على قلبك وعم تشعر بالسعادة بوجودهم جنبك . ماليا بتعتمد على مدخراتك السابقة لتصرف وتشتري كل شي بدك اياه
❤عاطفيــا"... اجواء رومنسية وحب وغرام عم تجمعك مع حبيبك
💢طاقة برج الثور { 78 } 💯

حظك اليوم برج الجوزاء ثابت الحسن

انت اليوم عندك وقفة شموخ ونصر يبدو انو اهدافك عم تكون قريبة منك وانك حققت جزء كبير منها واليوم انت واثق من نفسك وعندك انطلاقة جديدة بحياتك وتقرير مصير او اتخاذ قرار مهم . الامور المالية عم تكون متقلبة وعم تزعجك المصاريف الكبيرة الي عم تنطلب منك
❤عاطفيــا"... الشريك بحاجة لكلام حلو واهتمام منك فحاول انك تعطيه الوقت الكافي ليكون قريب منك
💢طاقة برج الجوزاء { 76 }💯

حظك اليوم برج السرطان ثابت الحسن

اليوم نشاطك وحيويتك فيها كتير من الإثارة وعم تلفت نظر المعجبين وعم تطرح افكارك بطريقة جيدة واسلوب مرن عم تتعامل مع الناس المحيطة فيك بديناميكة وممكن تكسب تأييد كتير من الزملاء حولك وعم يعطوك التشجيع لتكمل خطواتك بثبات . موعود بمبلغ من المال ممكن يتأخر شوي حاول انك ماتصرف غير الضروري حاليا
❤عاطفيــا"... الشريك عم يقرأ أفكارك وعم يفهمك وهالشي عم يخليك اكتر مرونة معه
💢طاقة برج السرطان { 82 } 💯

حظك اليوم برج الأسد ثابت الحسن

ممكن تضطر للمجاملة مع بعض الناس وممكن تتعامل بشكل رسمي مع بعضهم الآخر اليوم انت حاسس حالك مقيد وحركتك محدودة وهالشي ممكن يزعجك ويعرقل بعض المواضيع الي عم تمشي فيها بشغلك. بدي منك تخلص الامور المهمة اليوم حتى تتفرغ للأمور الشخصية الي بتهمك . ماليا بدأت احوالك تتحسن بشكل تدريجي وممكن يوصلك مبلغ بسيط بالفترة الجاي
❤عاطفيــا"... خلاف مع الشريك عم تحله بينك وبينه وبدون ماحدا يدخل بينكم وهالشي عم يكون افضل
💢طاقة برج الأسد { 75 }💯

حظك اليوم برج العذراء ثابت الحسن

ممكن تعاني من بعض المواجهات والمعاكسات بحياتك المهنية وعم تتعامل معها بحذر ودقة وكل تصرف عم تحسبله الف حساب حتى تتجنب الوقوع في مشاكل اكبر او تتجنب خسارة مالية. امورك بدها شوية صبر وتركيز بنصحك تحافظ على هدوء اعصابك ولانخلي الغضب يسيطر عليك لتقدر تحدد اهدافك وتوصل لها بسهولة . ماليا عمليات اخذ وعطاء وممكن تسترد مال قديم الك
❤عاطفيــا"... عم تستحوذ على مشاعر الشريك وعم تربطك معه علاقة متينة وقوية
💢طاقة برج العذراء { 70 } 💯

حظك اليوم برج الميزان ثابت الحسن

انت بحاجة لصفاء الذهن وزيادة التركيز لتقدر تواجه بعض الصعوبات الي بشغلك لهيك عم تسعى اليوم لتشعر بالاستقرار والهدوء بحياتك وعم تحاول تبتعد عن الأجواء السلبية . ممكن تفضل قعدة البيت لوحدك على مشوار فيه ضجة بيعملك توتر وقلق . فكرة للسفر ممكن تنعرض عليك عم تلغيها أو تأجلها لوقت تاني . ماليا امورك مكركبة ومصاريفك زايدة
❤عاطفيــا"... الشريك عم تظهر مشاعره بشكل صريح وعم يزيد تعلقه فيك حاول انك تضل قريب منه
💢طاقة برج الميزان { 74 }💯

حظك اليوم برج العقرب ثابت الحسن

عليك اليوم انك تكون سريع الحركة وكثير الانتباه عندك كتير امور وقصص بالشغل لازم تنهيها بشكل سريع ومن دون تأخير وتنتبه لكلامك مع الأخرين حتى ماتخسر الناس الي بحبوبك ووقفو بجنبك . اخبار متنوعة ممكن تسمعها وممكن بعضها يكون مزعج حاول إنك تكون ديناميكي وتعامل معها بهدوء . ماليا الوضع مانو منيح وعليك بذل مجهود مضاعف
❤عاطفيــا"... استقرار بحياتك العاطفية والمشاكل عم تزول بشكل تلقائي نتيجة التفاهم بينك وبين الشريك
💢طاقة برج العقرب { 64 }💯

حظك اليوم برج القوس ثابت الحسن

بتتميز اليوم بحدسك القوي وإحساسك المصيب وعم تكون مميز بترتيب جدول اعمالك وحاسب حساب لكل خطوة عم تقوم فيها . حركة جيدة او سفر مفاجئ بعد الضهر وعم تلتقي مع احبابك واصدقائك وممكن تتعرف على ناس جديدة كمان. ماليا امورك جيدة ومستقرة ومصاريف كبيرة عم تقوم بتغطيتها
❤عاطفيــا"... ذكريات قديمة بتجمعك انت والشريك وعم تشعر بالانسجام معه
💢طاقة برج القوس { 79 } 💯

حظك اليوم برج الجدي ثابت الحسن

انت اليوم عم تكون واثق من نفسك ومتمسك برأيك بشكل كبير وعم تعطي قرارت مهمة بشغلك وممكن توجه او تعطي نصيحة لحدا جنبك . الامور المهنية عم تتحسن بفضل جهدك وتعبك وعم تحاول توصل لمراتب مميزة بين زملائك . وضعك المالي جيد لكن مصاريفك كبيرة وممكن تطلع برحلة وتحتاج مبلغ كبير
❤عاطفيــا"... عم تحظى بمحبة الشريك واهتمامه فيك وهالشي عم يقوي العلاقة بينك وبينه
💢طاقة برج الجدي { 85 }💯

حظك اليوم برج الدلو ثابت الحسن

👈 كل الامور الي كانت واقفة وزاعجتك بدأت تتحرك شوي شوي وانت اليوم عم يكون عندك نشاط وتركيزك عالي لتتمكن من البدء بخطوات مهمة لهيك ممكن اليوم تتواصل مع بعض الناس المهمين ويكون في عندك استشارات ومشاروات مع ناس بتوثق فيهم وبرأيهم . مشغول بالك بأمور مالية ومعاملات عم تتأخر طول بالك شوي وخليك دبلوماسي لتوصل لحقك .
❤عاطفيــا"... الأجواء عم تكون جيدة مع الشريك وعم يحاول يكسب محبتك ويرضيك عليك ان تبادر نحوه بالاهتمام أيضا
💢طاقة برج الدلو { 84 }💯

من مشاهير برج الدلو علي منصور

حظك اليوم برج الحوت ثابت الحسن

عم تكون متوتر وقلق وكل الي بدك اياه عم يجي بالعكس حاول اليوم انك تهدي شوي وترجع تعيد ترتيب وتنظيم حياتك من جديد وتعرف شو هي اولوياتك وتباشر فيها وماتهدر وقتك على أشياء صغيرة .ناطرك شي حلو بنهاية اليوم واخبار من صديق عم تعدل مزاجك . امورك المالية بدها شوية إدارة منك
❤عاطفيــا"... الشريك مابيقدر على فراقك ورح يصارحك بمشاعره
💢طاقة برج الحوت { 72 }💯
ملاحظة :
الابراج للتفائل فقط .. والغيب لايعلمه الا الله سبحانه وتعالى ... يومكم سعيد .. ثابت الحسن