حظك اليوم وتوقعات الأبراج الثلاثاء 17\3\2020 مع الفلكي ثابت الحسن

شارك مع أصدقائك

حظك اليوم وتوقعات الأبراج اليومية الثلاثاء 17\3\2020 مع الفلكي ثابت الحسن

حظك اليوم برج الحمل ثابت الحسن

عزيزي برج الحمل اليوم انت مميز بنشاطك و همتك العالية حاول تستغل هالشي حتى تنجز تقدم ملحوظ بالعمل ، بتمد يد المساعدة للزملاء و الاصدقاء و بتنال اعجاب من حولك. اجواء جيدة برفقة العائلة عند المسا
صحيا.. وضعك الصحي مستقر و بساعدك حتى تقوم بعملك على اكمل وجه.
ماليا… موعود بمبلغ مالي حتى تفك ضيقتك و ترتاح ماليا .
عاطفيــا”.. العلاقة مع الشريك ممتازة فيها تفاهم و انسجام ممكن تستغل الفرصة لتناقشه بموضوع مهم
طاقـــة بـرج الـحمل { 85 }

حظك اليوم برج الثور ثابت الحسن

عزيزي برج الثور اليوم انت بحاجة لمين يمدك بالطاقة و النشاط و الحيوية ، حاول تنظم وقتك و تعمل الاشياء المهمة و تأجل الاعمال الاقل أهمية ليوم تاني . بزيد اليوم تواصلك الاجتماعي وخاصة مع المقربين منك وممكن تسمع خبر يفرحك
صحيا.. اليوم لازم تريح حالك و تبتعد عن الامور يلي ممكن تسببلك مشاكل صحية .
ماليا… عم تحاول تقتصد بمصروفك قدر الامكان .
عاطفيــا”.. العلاقة مع الشريك جيدة و مافيها مشاكل حاول توفر له اجواء بعيدة عن التوتر
طاقـــة بـرج الـثور { 79 }

حظك اليوم برج الجوزاء ثابت الحسن

عزيزي برج الجوزاء اليوم ممكن تشعر بشيء من التعب و الارهاق و هاد الشي بخليك تتجنب القيام بأعمال مجهدة ، بتتلقى مساعدة من صديق او زميل بالعمل و هاد الشي بريحك . عم تحضر لمناسبة او اجتماع عائلي
صحيا.. لازم تحافظ على ساعات محددة للنوم و الراحة حتى تتجنب الشعور بالتعب والارهاق
ماليا.. بيوصلك مبلغ مالي بالوقت المناسب بنصحك تخفف المصاريف الجانبية
عاطفيــا”.. خليك واضح مع الشريك و لا تدخلو بقصص ماله فيها ناقة و لا جمل .
طاقـــة بـرج الـجوزاء { 78 }

حظك اليوم برج السرطان ثابت الحسن

عزيزي برج السرطان اليوم امورك العملية جيدة عم تحاول ما تخلي شي يتراكم عليك و عم تبذل جهد ملحوظ حتى تعزز مكانتك. ممكن ينطرح عليك مشروع جديد فكر فيه بشكل جدي ، عند المسا ممكن تلتقي بصديق قديم الك زمان ما شفته
صحيا.. وضعك الصحي بحاجة لمزيد من الاهتمام منك .
ماليا.. عم تضطر لدفع مبلغ مالي لتسدد فواتير او توفي دين عليك .
عاطفيــا”.. علاقتك مع الشريك بحاجة لمزيد من الاهتمام و الصراحة منك .
طاقـــة بـرج السرطان { 81 }

حظك اليوم برج الأسد ثابت الحسن

عزيزي برج الاسد اليوم عم تبتعد عن اي شي ممكن يزعجك او يدايقك بتفضل انك تبقى بالبيت و ما تختلط مع اشخاص او زملاء بالعمل ، بتتجه لتعزيز قدراتك الذهنية و بتهتم بامور دينية لتنعكس عليك بشكل ايجابي وترفع من طاقتك
صحيا.. اليوم فيك ترتاح حتى تجدد نشاطك و طاقتك .
ماليا.. وضعك المالي جيد عم تعمل توازن بين دخلك و مصروفك حتى ما توقع بالعجز.
عاطفيــا”.. العلاقة مع الشريك فيها شوية توتر عم تحاول تلطف الجو معه و تعمل شغلات هو بحبها . طاقـــة بـرج الأسد { 80 }

حظك اليوم برج العذراء ثابت الحسن

عزيزي برج العذراء اليوم عم تهتم بحالك و بمظهرك اكتر من اي وقت مضى ، عم تشعر بضرورة الاهتمام بمن حولك من المحبين و الاصدقاء و الاهل ، بتعمل اكتر من زيارة لمقربين منك . عندك امر عم تتابعه وناطر يوصلك خبر او نتيجة لهالامر
صحيا.. لازم تعتني بنظامك الغذائي و ما تفرط بشرب المنبهات .
ماليا.. عندك دخل جيد و عم تقدر توفر مبلغ لوقت الحاجة .
عاطفيــا”.. عدم وضوحك و قيامك ببعض التصرفات الغير مفهومة عم تثير شكوك الشريك و غيرته . طاقـــة بـرج الـعذراء { 82 }

حظك اليوم برج الميزان ثابت الحسن

عزيزي برج الميزان طاقتك عالية اليوم وعم تبحث عن مصادر لتزيد من ثقافتك واطلاعاتك على بعض المواضيع المهمة بالنسبة الك. عم تخطط للسفر لكن ممكن تأجله حاليا. عم تركز اهتمامك بامورك المهنية وعم تسعى لتحقق اهدافك واحلامك
صحيا.. حاول تاخد قسط من الراحة عند المسا لتجدد نشاطك
ماليا.. اضبط مصاريفك وماتصرف اكتر من المدخول
عاطفيــا.. عم تعرف كيف تتعامل مع الشريك اكتر من قبل هالشي بحسن العلاقة معه
طاقـــة بـرج الـميزان { 75 }

حظك اليوم برج العقرب ثابت الحسن

عزيزي برج العقرب يوم جيد ومناسب لحركة جديدة وممكن يكون عندك فرص جيدة لعمل جديد حاول تختار الافضل الك وتظهر ابداعاتك الكامنة. ممكن تتعرف على ناس جداد عن طريق شغلك بنصحك تكون حذر ودبلوماسي بالتعامل معهم
صحيا .. صحتك جيدة لليوم استغلها بعملك
ماليا.. عندك تحسن مالي وعم تسدد بعض الالتزامات الضرورية
عاطفيــا.. عم تحاول تكون قريب من الحبيب وتخبره بكل التطورات الي عم تحدث معك
طاقـــة بـرج الـعقرب { 85 }

حظك اليوم برج القوس ثابت الحسن

عزيزي برج القوس بنصحك ماتتهاون ببعض الامور وخليك واقعي وتعامل مع مجريات الامور من حولك بجدية اكثر. مواعيدك كتيرة نظم وقتك وماتهمل امور شغلك ولو تابعتها عن بعيد. عليك بالتعاون مع افراد العائلة وتحمل المسؤولية
صحيا… عم تكون متكاسل مع بداية النهار انت بحاجة لممارسة تمارين رياضية حتى تستعيد نشاطك
ماليا… انتبه عجيبتك قبل ماتوقع بضيق مادي
عاطفيــا”.. انت بحاجة للاستقرار العاطفي حاول تكون لطيف مع الحبيب
طاقـــة بـرج الـقوس { 65 }

حظك اليوم برج الجدي ثابت الحسن

عزيزي برج الجدي حاول ماتضيع وقتك اليوم حتى تنهي الاعمال المهمة الموكل بها. لان ممكن يكون عندك التزامات او مواعيد عند المسا مافيك تأجلها او تلغيها. اليوم عم تكون ودودو وعم تحاول تظهر محبتك للمحيطين باهتمامك بهم
صحيا.. اليوم عم تكون افضل صحيا وهالشي بيظهر من طريقة آدائك للعمل
ماليا… كل ماشعرت بضيق مادي بتنفرج عليك بآخر لحظة ف ماتقلق
عاطفيــا”.. عم تعبر للشريك عن محبتك الو ممكن بموقف او بكلمة حلوة
طاقـــة بـرج الـجدي { 79 }

حظك اليوم برج الدلو ثابت الحسن

عزيزي برج الدلو يوم بيتطلب منك النشاط والحيوية. ممكن ماتكون عم تعرف كيف تستغل وقتك والفرص الي عم تنعرض عليك بدي من تكون شديد الانتباه وتركز اهتمامك اليوم بمصلحتك لتحقق نجاحات تطمح لها صحيا.. وضعك الصحي اليوم مستقر طالما عم تريح حالك من وقت للتاني
ماليا… ممكن يكون عندك دفع مبالغ مالية ماكانت بالحسبان
عاطفيــا”.. ممكن توجه بعض الانتقادات للشريك انتبه من ردة فعلو وماتستفزه .
طاقـــة بـرج الـدلو { 70 }

حظك اليوم برج الحوت ثابت الحسن

عزيزي برج الحوت اليوم عم تلتزم ببيتك عم تنهي بعض الواجبات المنزلية حتى ماتتراكم . بتهتم باخبار عائلتك وممكن تستقبل شخص قريب جاي من سفر. ممكن تسمع بعض الانتقادات خدها برحابة صدر وطور سلوكك او طريقة تعاملك مع الاخرين بطريقة افضل
صحيا… عم تهتم بوضعك الصحي وممكن تتبع حمية غذائية
ماليا… عندك بعض الجمود المادي عم تحاول تحسن من مدخولك
عاطفيــا”.. يوم ايجابي على الصعيد العاطفي لتحسين العلاقات او الدخول بعلاقة حب للعازبين
طاقـــة بـرج الـحوت { 73 }
طاقة برج الحوت {80}