12.5.2020
حظك اليوم وتوقعات الأبراج الثلاثاء 12\5\2020 مع الفلكي ثابت الحسن
شارك مع أصدقائك Tweet
حظك اليوم مع الأبراج اليومية ليوم الثلاثاء 12 /ايار / مايو 2020 مع الفلكي ثابت الحسن
حظك اليوم برج الحمل ثابت الحسن
اليوم حظوظك جيدة و طاقتك ممتازة عندك القدرة الكافية حتى تأدي ما عليك على اتم وجه ، عم تسمع اخبار جديدة على الصعيد العملي ، عم تتعرض لاكتر من موقف بتحسن التصرف فيه و بتتجاوز اي مشكلة ممكن تعترضك .❤عاطفيــا”… في محبة و انسجام بينك و بين الشريك و هاد الشي بزيد من راحتك النفسية .
💎طاقـــة بـرج الـحمل { 85}
حظك اليوم برج الثور ثابت الحسن
اليوم عم تكون مرتاح عندك استقرار نفسي بعد ما خلصت من التفكير بقضية كانت شاغلة بالك الها فترة ، عم تقوم بعملك المعتاد و تخصص وقت للدراسة و التعلم و زيادة مهاراتك العلمية ، امورك المالية جيدة عم تفكر تشتري اشياء انت بحاجتها .❤عاطفيــا”… لازم ما تتعامل بردات الفعل مع الشريك و خليك لين و ودود معه
💎طاقـــة بـرج الثور { 73 }
حظك اليوم برج الجوزاء ثابت الحسن
اليوم مناسب حتى تخلص اي امر كنت مأجله سابقا بدك تبذل قصارى جهدك حتى تنهي ما عليك من التزامات و تبدأ عملك من جديد ، تجنب اليوم الدخول بنقاشات مع زميل او صديق بتعرف انه ما في منها نتيجة مرجوة ، انت بحاجة للدعم المالي .❤عاطفيــا”… الشريك عم يهتم فيك و بحاول يقدملك الدعم المناسب .
💎طاقـــة بـرج الـجوزاء { 75 }
حظك اليوم برج السرطان ثابت الحسن
اليوم عم تعطي اهتمام اكبر لعلاقتك مع الآخرين و تتقرب اكتر من زملاء العمل ، بتشعر انك بحاجة لمين تشكيلو همك و يساعدك باتخاذ القرار المناسب ، عندك بعض الخلافات العائلية البسيطة لكن سرعان ما تنحل امورك ، وضعك المالي غير مستقر بدك تبذل جهد مضاعف .❤عاطفيــا”… عم تهتم بالشريك و تقدر الظرف يلي بمر فيه
💎طاقـــة بـرج السرطان { 76 }
حظك اليوم برج الأسد ثابت الحسن
اليوم بدك ترتاح و تاخد قسط من الراحة فيك تقوم باعمالك المهمة او توكل حدا يقوم فيها تحت اشرافك ، لا تضيع وقتك باشياء ما لها فائدة و تجنب الدخول بقضايا ما دخلك فيها حتى ما تسببلك مشاكل لاحقا ، عندك مصاريف كتيرة ممكن توقعك بالدين .❤عاطفيــا”… في تفاهم مع الشريك و تنسيق مواقف بقضايا عائلية مهمة .
💎طاقـــة بـرج الأسد { 70 }
حظك اليوم برج العذراء ثابت الحسن
يومك جيد فيه احداث كتيرة بتقدر تسير امورك بشكل جيد و بتقدر تساير الظروف و تتجاوز العقبات يلي ممكن تطلعلك على الصعيد العملي ، لازم تفكر تتخلى عن بعض طلباتك و ترجع للخلف ببعض الخطوط الحمراء يلي راسمها حتى تنشط بعض اعمالك الواقفة .❤عاطفيــا”… الشريك عم يكون سندك و جنبك لا تهمله و خصص وقت لتسمع مشاكله و همومه
💎طاقـــة بـرج الـعذراء { 77 }
حظك اليوم برج الميزان ثابت الحسن
اليوم لازم تبتعد عن اي قضايا ممكن تزيد من همومك و مشاكلك ، حاول تعمل توازن بين رغباتك و قضاياك العملية و بين علاقاتك الاجتماعية و الاسرية حتى تقدر تاخد القرار الصحيح و الصائب ، عندك دفع لفواتير و التزامات مهمة .❤عاطفيــا”… عم تكون حساسيتك زايدة تجاه الشريك و مانك عم تتقبل بعض افكاره .
💎طاقـــة بـرج الـميزان { 71 }
حظك اليوم برج العقرب ثابت الحسن
اليوم ممكن تفكر انك تزيد من ساعات عملك و تفتح شغل او عمل جديد حتى تزيد ارباحك و مكاسبك المالية ، عم تسمع كتير اخبار و عم تتقصى بعض الامور المتعلقة باحد الاصدقاء و ممكن تفكر انك تمد له يد العون حتى يخرج من الازمة يلي واقع فيها .❤عاطفيــا”… عندك كتير نقاط حابب تناقشها مع الشريك و تستفهم منه سبب تصرفه بهي الطريقة .
💎طاقـــة بـرج الـعقرب { 81}
حظك اليوم برج القوس ثابت الحسن
اليوم مناسب حتى تهتم اكتر باناقتك و اطلالتك عم تعطي وقت اكبر للزيارات و اللقاءات و توطد علاقتك مع من حولك و تزور شخص قريب منك مريض او مقبل على عمل جراحي ، عم تكون مصدر طاقة ايجابية لمن حولك ، انتبه من الاسراف او الاهتمام بشراء اشياء غير مهمة .❤عاطفيــا”…عندك عتب على الشريك و لكنك ما بتشيل بقلبك و بتصارحه و بترجع المياه لمجاريها معه .
💎طاقـــة بـرج الـقوس { 84}
حظك اليوم برج الجدي ثابت الحسن
اليوم عم تكون مضغوط ومشغول وعم تحاول تنهي شغلك باسرع وقت وممكن تضطر تأجل باقي اعمالك لوقت لاحق. عندك اجتماع مع بعض الاصدقاء واوقات حلوة برفقتهم. ماليا وضعك جيد وتحسن ملحوظ استغل هالفرصة لتوفير مبلغ من المال❤عاطفيــا”… عليك بان تبدي اهتمام خاص بالشريك وتهتم باموره واحواله
💎طاقـــة بـرج الجدي {79 }
حظك اليوم برج الدلو ثابت الحسن
اليوم عم تفكر تتابع بعض الامور المهمة بعملك هاتفيا وتاخد استراحة او اجازة من عملك لتهتم بحالك وبوضعك الصحي. ماليا عم يوصل لايدك مبلغ من المال وعم تشتري بعض الحاجيات الضرورية بنصحك ماتصرف الا للضرورة حتى ماتوقع بضيق مادي❤عاطفيــا”… انسجام وتفاهم مع الشريك وعم ينعكس عليك بشكل ايحابي
💎طاقـــة بـرج الدلو { 72 }
حظك اليوم برج الحوت ثابت الحسن
يومك جيد بشكل عام عم تقوم باعمالك ومهامك بشكل متقن وعم تسمع مديح من المحيطين. بتنشط اجتماعيا وعندك لقاءات حلوة ممكن مع اصدقاء قديمين او احد المقربين جاي من سفر. ماليا عم تحصل على مبلغ صغير من المال عم تقدر تشتري فيه غرض كنت مأجله❤عاطفيــا”… عم توقف بجانب الشريك بكل الظروف الي عم يمر فيها هالشي بعزز من مكانتك بقلبه
💎طاقـــة بـرج الـحوت { 74}
ملاحظة :
الابراج للتفائل فقط .. والغيب لايعلمه الا الله سبحانه وتعالى ... يومكم سعيد .. ثابت الحسن