كسوف الشمس يحمل مفاجآت للأبراج.. الحمل والسرطان والميزان الأكثر تأثرًا
تأثير كسوف الشمس على الابراج
برج الحمل
يقع الكسوف في بيت الشراكات العاطفية والمهنية والمالية. فترة رح بيكون فيها تحسن بالعلاقات للبعض، بتطوير علاقة مهنية، مالية حالية، والبعض رح يدخل بعلاقة وعقود لشراكة جديدة، أو حتى وظيفة بمكان جديد. انا البعض رح، على العكس، ينهي شراكة مهنية مالية متعبة، غير مربحة.. حتى في العاطفة رح يكون في حسم هالفترة ان كان بإنهاء شراكة مزعجة سامة، أو على العكس بتطور علاقة إلى مرحلة الخطوبة أو الزواج.. على كل الأحوال هي فترة نتائجها لصالحك، فسخ علاقة معينة هو لخيرك.. سوف ياتيك التعويض بعلاقه أفضل، والعلاقة الجديدة هي خير علاقة لك، يمكنك الاستفادة منها. نصيحة، ما تتسرع بالقرارات وما تخلي ردت فعلك تكون متهورة، ودروس كل شراكة مقدم عليها، وما تأخذ أي قرار بيوم الكسوف.برج الثور
فترة ضاغطة على صعيد العمل، ولازم تكون مركز، منظم وواعي على كل شي بهالخصوص. ممكن تدريجيًا تتغير امور كثيرة بهالفترة. ممكن تكون مزعجة، مفاجأة، محبطة، لكن هالشي رح يكون لخيرك على المدى البعيد، ولازم تتعامل مع الفترة بكل إيجابية والدبلوماسية، وابتعد عن التسرع وردود الفعل العصبية والمتهورة. سوف تكافأ ماديًا، أو بترقية، أو مشروع جديد، أو فكرة لعمل جديد تقوم فيه. حتى صحيًا رح تهتم بحالك إن كان لإتمام علاج و الانتهاء منه، أو ببدأ رجيم مع رياضة، او هواية مسلية، او ممكن تهتم بأمور تجميلية وتغير بشكلك. لكن انتبه يوم الكسوف ما تعمل أي شيء من هالأمور المذكورة.برج الجوزاء
علاقات من الماضي تتجدد أن كان مهنيًا أو عاطفيًا هالفترة. سوف تعيد النظر بهالعلاقات وتحسمها بشكل نهائي. أيضًا هالفترة داعمة لحسم علاقات عاطفية تعود من الماضي، أو حتى حالية، رح يكون في ارتباط خطوبة، أو زواج. ممكن يكون في مولود جديد، او حمل للبعض، وممكن أيضا أن يكون في إجراء لعمل طبي بهالخصوص، وإذا في أطفال رح بتكون الفترة مناسبة للتقرب منهم، وتهتم أكثر بشؤونهم. وهذا الشيء بيمتد على كل فترة الكسوف يلي هي ستة أشهر.برج السرطان
الكسوف يقع في بيت العائلة.. رح تشعر إنك مشغول بأمور عائلية منزلية، مثل تغيير منزل، تغيير إقامة، ممكن تسافر بداعي الترفيه، أو حتى بداعي العمل. اهم شي تحافظ على لباقتك مع الأهل، الأخوة، الشريك، وما تفتعل المشاكل، وما تكون ردت فعلك حادّة. نصيحة ما تتذمر وتأفّف من إنك ملتزم بشؤون العائلة أو التغيرات السكنية يلي عم بتصير. هالفترة، رح تكون أغلب أوقاتك بيتوتي والظروف رح تكون مؤ اتية لتشتغل على رخصة عقار او ملكية. هالفترة رح تهتم بصحة احد الأهل.برج الأسد
فترة لتقرر تستجمع كل أفكارك وحماسك حتى تتطور أمورك المهنية، ان كان لزيادة شغلك وتطويره عبر مواقع التواصل الاجتماعي، أن كان في مجال التجارة، أو حتى قضايا بيع وشراء. هالفترة بتدعمك وتنجز فيها الأرباح. يمكن حتى تشغلك قصة سيارة، موبايل، إلكترونيات أن كان بتجديد او تصليحات، او شهادة قيادة.. انت مدعو لتعزيز الروابط مع المحيط من أشقاء، جيران، زملاء مقربين، وممكن يكونوا خير دعم الك بالفترة القادمة. وممكن إنك تأخذ قرار بتطوير ثقافتك ومعرفتك بمجال معين، وتتسجل بدورات بهالخصوص. اهم شي تنتبه من الحوادث والأعطال ان كان في المنزل، او في العمل، أو أثناء التنقلات، والذروة لهالشي أكيد بتكون يوم الكسوف.برج العذراء
محور اهتمامك رح يكون المادة.. رح تتخلص من معاملات مالية معلقة، من فواتير، استحقاقات.. ممكن أيضا أن يكون عندك فرص لدخول بمشاريع، واستثمارات، مثل مشروع التأمين، ضمان، او حتى فرص بتجيك من أشخاص بتهتم لأمرك مثل شريك او حدا مقرب.. ممكن أيضًا يكون في مشروع سفر بيخدم تطلعاتك لكسب المال، أو مشروع تجاري. انتبه من التبذير والاسراف، أو من توظيف أموالك بالمحل الغلط حتى ما تخسر وتندم.برج الميزان
الكسوف يقع عندك، فهذا يدعم التغيرات الجزرية في حياتك. والانطباع الأول سوف يكون مفاجئ، حتى سلبي.. لكن إذا نظرت إلى ما يحصل وأعدت النظر رح تلاحظ انو هالشي يخدم مصلحتك، وبكون لخيرك. رح تنتقل من موقع إلى موقع إن كان بالعمل، أو العاطفي، أو حتى الصحة الامور تتجه صوب التغيير المفاجئ وحتى الجذري في بعض النواحي من حياتك. وهذا الشيء بيمتد على كل فترة ستة أشهر القادمة لكن ذروته بتكون بوقت الكسوف.برج العقرب
الكسوف رح يكون وقعة ثقيل عليك نوعًا ما. ممكن يكون عندك لقاءات مع أشخاص مهمة، وظيفة ضمن مؤسسة مهمة، أو يكون عندك عمل ضمن مؤسسة حكومية، لكن رح يصير عندك تأجيل وتأخير بكثير من الأمور يلي عم تشتغل عليها او ببالك تنفذها، وهذا الشي رح يصير ردت فعل عندك حتى عصبيتك رح تكون بي أوجها. لهيك لازم ما تتسرع وتضبط أعصابك، حتى ما تندم. رح تشتغل على تحسين صحتك الجسدية والنفسية حتى تتخطى التعب يلي انت في. وهذا الشيء طول فترة الكسوف يلي بتبلش من 14 أكتوبر وتمتد على ست اشهر القادمة.برج القوس
فترة لتعزيز علاقاتك الاجتماعية، وتغربل كل من هو مزعج من حولك من أشخاص متطفلين، مزعجين، او حتى من مبغضين. رح يكون مرغوب فيك بالاجتماعيات، واللقاءات، والعزايم.. فترة بتستفيد منها بالحصول على رغبة أو أمنية كنت تتمناها. عاطفيًا رح يكون عندك حب من أول نظرة، أو تطوير فجأة لعلاقة مع أحد الأصدقاء المقربين.. وبتعيش رومانسية.. لكن دائما خلي مصالحك فوق كل اعتبار وما تنجرف خلف أحاسيسك. انتبه وخليك حذر من تعرضك للخيانة بدخول طرف ثالث على علاقتك، او حتى الخيانة تكون من قبل صديق.برج الجدي
فترة تدعم إنجاز مهني مهم. تكون أكثر شعبية، وتحصل على دعم أو مساعدة من أشخاص مهمة، أو ذوي الشأن.. وتتقرب منهم، وتحصل على تقديرهم. فترة تفتح لك فرص التقدّم بعملك والتحليق بهالمجال لبداية مرحلة جديدة إيجابية ومهمة. حتى عاطفيًا ممكن البعض يدخل بعلاقه مع شخصية مهمة، أو شخصية مشهورة، او ذو مكانة في المجتمع. لكن بدك تضل حذر بكل خطواتك وتعاملك مع المحيط، لانو ممكن هالشي يعرضك لتشويه السمعة وهدم كل ما بنيته. ممكن يشغلك كمان وضع صحي لأب أو أخ.برج الدلو
الكسوف يدعم السفر بشكل كبير أن كان للعمل أو للدراسة أو الترفيه. ممكن تزيد من ثقافتك وتطور من معلوماتك بالتسجيل في دراسات عليا او لدرس دورات جديدة. ممكن تتطور علاقتك مع أشخاص من الخارج من خلال السفر او مواقع التواصل الاجتماعي. رح تزيد عندك المكاسب المادية من خلال أعمال تتطور مع الخارج، أو عبر الإنترنت، وممكن تشغلك قصص بيع أو شراء، او سيارة او موبايل. حتى عاطفيًا الفرص مفتوحة للتعرف على اشخاص من الخارج، أو بعيدة عن المحيط، أو على سفر. لكن الكسوف ممكن يؤثر على كل ما يخص الحوادث، والآلة الحادة، والأعطال ياللي ممكن تصادفها أن كان في المنزل أو أثناء التنقلات.برج الحوت
رح تشغلك الامور المالية هالفترة. رح تتابع امور مالية مثل موارد مشتركة بالعمل، اوراق تخص ميراث، استثمارات، او حتى قصة ملكية.. ممكن البعض يحصل على المال من دون تعب، أو على قرض بنكي، او على مال لتمويل مشروع ما. لازم تدرس كيفية استخدام وتوظيف أموالك هالفترة بدقة، وتخليك واعي على إنك تتعرض للسرقة، أو لنصب، أو عملية احتيال.، لازم تستفيد من الفرص يلي رح تنوجد بطريقة ذكية ودقيقة لتلاقي التحسن المادي الذي تطمح إليه.اقتراحات قد تعجبك
