قراءة فنجان الابراج اليوم الثلاثاء 20/9/2022

قراءة الفنجان والابراج اليوم الثلاثاء 20 سبتمبر 2022 قارئة الفنجان فنجان القهوة لكل الأبراج بالفنجان الثلاثاء 20/9/2022 اعرف ماذا تقول قارئة الفنجان لبرجك

اعرف ماذا يقول فنجانك اليوم
☕👇☕
توقعات فنجان الابراج
☕☕

فنجان الأبراج ☕🌹☕

فنجان برج الحمل اليوم

فنجان☕ برج الحمل ♈
مهنياً: وجود القمر في برج الجوزاء داعم الك اتصالات ولقاءات او سفر ويوم جيد لتواصل ..ناس جديدة بتشوفها وعم تتحرر من ضغوط وتعب صحي وقادر تنجح وتحقق المطلوب وعم تعيد حساباتك المالية لانو في صرف على مستلزمات او اعطال عندك ..يومك فيه دبلوماسية وتحرر اكتر وخبر حلو والبعض مشغول بقصة عائلية ولمة او شخص قادم من سفر . عاطفيا:يوم جيد لتواصل او الاتصالات الطويلة .. الاعزاب او المرتبط من جديد امورك افضل .. المتزوج عم يعاني من أهمال وعدم تقارب مع الشريك ..عم يكون في استهتار بالوضع وتقلب بالمزاج وحدة بالنقاشات وبالاخص بفترة المساء بحاجة تنتبه لوضعك هاليومين وتستغل نهارك لتلاقي الحلول وبعد قصص العائلة عن الأمور العاطفية. صحيا :بتعاني من صداع ودوخة ومشاكل اثناء النوم والبعض بيشفى من الكريب 💞غنيتك اليوم💞 شعلومة .. حاتم العراقي

فنجان برج الثور اليوم

فنجان ☕ برج الثور ♉
مهنياً: عندك قصص بحاجة لحل جذري وضروري وعم تتلقى دعم ومساعدة بقصص مالية او قضائية .. يوم عم تزيد الفرص عندك لتحصل على المال وقصص ومعاملات بتشغلك بين قبض ودفع وترتيب بيتك المالي ممكن تحصل على مال من شراكات او من شريك ومصاريف مالية على عزائم او صحة .. عندك فكرة مشوار او سفر او مساعدة شخص . عاطفيا : عم يكون عندك اندفاع ونوع من التملك والشك حاول تركز ولا تتسرع وخفف من حدة كلامك مع الشريك .. يوم بحاجة لمبادرة وتقارب بوجهات النظر ولازم تبادر وتتنازل حتى تكفي علاقتك كون بعيد عن المشاكل لتريح راسك ..الاعزب في تطورات ايجابية من المساء واعجاب عم يكون فيك المهم تركز بفترة نهارك وتكون دبلوماسي والبعض انتبه من علاقات سرية واسرار ممكن تطور صحيا :عم تعاني من مشاكل بالأسنان وممكن تزور الطبيب بيومك ..انتبه من وعكة صحية ومصاريف على الصحة 💞غنيتك اليوم💞 اسكت لو سمحت .. جورج وسوف

فنجان برج الجوزاء اليوم

اقرأ فنجان ☕ برج الجوزاء ♊
مهنياً:طاقتك إيجابية وشعبيتك بتزيد وحلول لقصص متعبة حاول تستفيد من دعم الاشخاص بشغلك وبالبيت وفي قرار مهم بيومك ..في نجاح وتحسين وضع وقادر تطلع من التعب والملل يلي كان مسيطر عليك ولازم تستفاد دعم القمر لبرجك بتنقلات وعزائم وسهرة وناس جديدة وأي لقاء بخص عمل او عقد لازم تركز فيه وممكن تعمل تغيرات صحية بشكلك او امورك الصحية بشكل عام وتغيرات مالية قادمة من فترة المساء بدفع او قبض على تصليحات او اعطال .. عاطفيا :يوم مميز فيه تطورات جديدة جاذبيتك عالية وعم تكون محط أنظار لجنس الآخر واتصالات مع شخص من داخل شغلك او دراستك .. يوم بيحمل بداية جديدة الك عم تحسم امورك وتحط حد لبعض تجاوزات بعلاقتك او اي استغلال كان موجود او عم تتعرض الو بالفترة السابقة بإمكانك تبدا من جديد بيوم إيجابي تواصل مع اشخاص جديدة او اتصال مفاجئ .. المتزوج انتبه لكلامك العشوائي وعلاقات ممكن تتوتر او سوء تفاهم بيوصل لمرحلة سيئة بالاخص فترة المساء صحيا: شوي توتر بامورك الصحية بتتحسن الامور من المسا والبعض هاليومين عندو عملية او شيء تجميل 💞غنيتك اليوم💞 لما قلبي يدق بغار عليك .. زهير فرنسيس

فنجان برج السرطان اليوم

اقراء فنجان ☕ برج السرطان ♋
مهنياً: يوم في قصص حكومية واختبار واوراق وبحاجة تنتبه على صحتك اكتر .. يوم لازم تمرق امورك على خير ولا تشتغل اي شيء مهم حتى ماتوقع بتأجيل في علاقات كتير وامور اجتماعية وناس حواليك بس انت مو مرتاح ومو حابب تعطي وجه لحدا والسبب التوتر بعلاقة مع شخص حاول تكون هادئ ورايق رغم الظروف والمسؤوليات يلي عم تتعرض الها .. حاول تكون واقعي اكتر وخلص شغلك والتزاماتك اكتر ولاتخلي شي يتراكم عليك ولا تخاطر بامور مالية . عاطفيا :بعدو وضعك مو مرتاح عم تفكر بشخص وامورك فيها برود وجمود وقلة اهتمام عم تلاقي محبة بس انت فجأة عم تنقلب الامور وانتبه من اي شخص يدخل علاقتك وماتسمع كلام اي شخص وحاول تبعد مشاكلك الاخرى عن العاطفة .. انتظر هاليومين تغييرات عاطفية جديدة واتصال وخبر حلو . صحيا:انتبه على حالك فترة النهار وعلى اطفال ونظم اكلك ومواعيدك بشكل افضل ومارس احد هواياتك ونشاطاتك 💞غنيتك اليوم💞 غيرك مابختار .. حسين ديك

فنجان برج الاسد اليوم

مهنياً:اجواء حلوة بيومك وتنقلات وسفر وجاذبية وطاقة ايجابية ومحاط بالاصدقاء وشعبيتك عالية بتتلقى دعم ومساعدة من شخص وفي مصاريف على عزائم .. لقاء بأشخاص بتحبها البعض عندو دعوة لحضور مناسبة او سهرة وفرصة لتحصل على مال وبذات الوقت ضب ايدك على مصاريفك وانفراج بقصة بتخص الاهل او المال او امر قضائي ورقة مهمة ممكن توصلك عاطفيا : عم تتمتع بطاقة ايجابية وشغف عاطفي وعلاقات حميمية وتواصل سري وخيارات جديدة بيومك .. المتزوج بدي منك تنتبه لردة فعلك وما تخلي اي سبب بسيط يسبب سوء تفاهم او اهمال وتقصير .. الاعزب والمرتبط تطور بالعلاقات ارتباط جديد او اعجاب ونجمك محبوب .. صحيا :عندك اهتمام بشكلك وبالمظهر الخارجي وانتبه من تقلبات الطقس ومشاكل هضمية 💞غنيتك اليوم💞 كانت روحي .. ريان

فنجان برج العذراء اليوم

اقراء فنجان☕ برج العذراء ♍
مهنياً:خلص امورك بكير وحاول ما تاجل شيء بيومك في ترتيب لمواعيد واتفاقيات جديدة بعرف انك تعبان ومزعوج من بعض العلاقات المحيطة فيك .. حاول تكون هادي ورايق وخاصة مع مسؤول او اب واخ .. انت قادر تتجاوز اي مشكلة او وضع متعب وتبدا من جديد في تطورات مهنية وتحسين وضع وقادر تنجح وتوصل لشي بدك ياه ..حاول تهتدي بنهارك اكتر وكون جاهز لأي اختبار وممكن تزور شخص او ترتب لموعد مهم بيومك البعض انتبه من امور الحسد والسحر يلي عم يسبب وقف حال.. عاطفيا : انتبه من التوترات والمشاحنات يلي ما بتجيب نتيجة او انت تعودت عليها ولا تكبر القصص مع الشريك لانها مو مستاهلة .. يومك لازم يكون فيه تنازل او مسايرة من الطرفين الوضع مكركب حاول تلاقي حلول لوضعك وتعزز علاقتك وانتظر من فترة المساء أمورك افضل بتطورات عاطفية او اتصال او موعد مهم . صحيا : كون حريص على صحتك او صحة حدا بالعيلة وبالاخص شخص مسن وانتبه من الحساسية الجلدية خلال هاليومين 💞غنيتك اليوم💞 غريبة الناس .. صابر الرباعي

فنجان برج الميزان اليوم

مهنياً: يوم إيجابي تنقلات واتصالات كتير تواصل مع اشخاص بعيدة وعم تنشط على مواقع التواصل الاجتماعي وقصة سيارة او موبايل او عقار بيشغلك رغم الضغوط يلي بتكون بيومك وشغل كتير ماعم تلحق وبحاجة لوقت وتنظيم وترتيب عندك طاقة لتخلص اعمالك وبتطلع من ضيق مالي .. لقاءات واتصالات فيها استفادة الك واذا ناوي سفر بيومك امورك جيدة وبتنجح بأي اختبار او امتحان وبتحصل على شهادة وفي تقدير لجهودك .. خليك واثق من حالك وقدرتك لتحسن وضعك المهني والمالي . عاطفيا: علاقات جديدة بيومك واشخاص عم تتواصل معها وصدفة او مفاجأة .. يوم داعم الك لازم تستغلو وتعمل تقارب بينك وبين الشريك وخبر حلو بحسن الوضع اكتر .. من الممكن الاستفادة من الشريك ولكن المهم لاتسمح لاي شخص يدخل بعلاقتك وبتكون بخير ..بعض المتزوجين مرق اليوم على خير لانو وضعك بحالة ركود وملل وبالأصل انت ماعم تعرف شوبدك بحاجة تهتدي هاليومين ليرجع الوضع بشكل افضل . صحيا:انتبه من وعكة صحية وخفف من تدخين والأركيلة والمنبهات 💞غنيتك اليوم💞 سماع مارح عيد .. وفيق حبيب

فنجان برج العقرب اليوم

اقراء فنجان☕ برج العقرب ♏
مهنياً:بعد فترة كانت كتير صعبة وضغط والتزامات اليوم بتبدا تطلع من حالتك بشكل تدريجي في قرارات مهمة بتلاقي حلول وبتقدر تتجاوز اي مشكلة او ازمة بوضعك وبالاخص الامور المالية .. ترتيب لبيتك المالي وحسابات عم تعملها شو إلك او عليك وتسديد بعض الديون واتصالات جديدة بتخص المال .. قصة حدا مقرب بتشغلك او اخ وممكن تفكر بسفر واوراق بتشغلك او من الممكن توصلك . عاطفيا : تدريجيا بتكون الامور افضل بشوي تنازل بتحل مشاكلك وبتعود الامور لمجراها الطبيعي .. لاتكون عنيد وتتمسك برايك واترك الشريك على راحتو .. بترجع الامور من جديد بس بدها رواق وهدوء واستغلال اليومين القادميين بشكل افضل .. فينك تجهز للقاء او اتصال حلو من فترة المساء .. البعض بعدو الجفا مسيطر على الوضع والحلول صعبة والطريق مازال مسدود وبالاخص من لديه مشكلة مع الشريك او اذا في خيانة مسبقة .. صحيا : انتبه على صحتك خلال النهار وريح حالك قدر المستطاع وفكر بأماكن ترفيهية او عزيمة .. الاهم تريح اعصابك والبعض بعاني من تشنج عضلي وبحاجة لنوم .. 💞غنيتك اليوم💞 توصى توصى فيي .. يارا

فنجان برج القوس اليوم

فنجان ☕ برج القوس ♐
مهنياً: يومك فيه قصص عائلية وامور بتخص الشراكة لاتكبر القصة ويوم بحاجة لرواق في شوي تأجيل او عرقلة بأمور بتخص الشغل او شخص مقرب منك .. اليوم انت متوتر والحظ ماعم يساعدك وعم تتعرض لبعض الانتقادات والاستفزازت غير مبررة ركز وانتبه لأي طارئ بيومك و رتب امورك المالية فيه دفع كمان وانتبه تنهي اي شراكة خلال اليوم وقصة حوالة بتشغل البعض عاطفيا : لاتتسرع بأي قرار وفكر بالحلول بشكل افضل .. الاعزب يوم بيحملك تعارف جديد وارتباط وصدفة بتجمعك بشخص .. المرتبط بحاجة لتركيز وتنتبه لوضعك العاطفي لانك بحاجة لتصحيح المسار وبعض الامور الي سببت بتوتر العلاقة مافي داعي تكبر الامور وتعمل من الحبة قبة وتزيد الامر عصبية واستفزاز والسبب انت مو عم تعرف شو بدك السبب الاهم انك مندفع ومتهور بكلامك وماعم تحسب حساب للكلام قبل ما تحكيه صحيا : حاول ترفه عن نفسك ولا تنهم وحاول تعطي جسمك طاقة ايجابية ..والبعض صحة الشريك لسا عم تشغلك 💞غنيتك اليوم💞 تقدر تعيش دنيا بدوني .. حسن الطائي

فنجان برج الجدي اليوم

فنجان ☕ برج الجدي ♑
مهنياً : يوم فيه تنقلات واتصالات كتيرة بتخص شغل او لقاء واتفاق مهم وزيارات كتيرة وعم تنشغل بقصة صحية او قصة اخ بالبيت او اوراق عم توصلك ..عم ترتب امورك افضل بهاد اليوم وعم تلاقي حلول رغم الامور متقلبة وتراكم بالأعمال عندك بيوصلك شي ناطرو او خبر لصالحك .. بعرف انتظرت كتير بس بتتحسن امورك بشكل تدريجي .. يوم بحاجة لتيبت جدارتك وتضاعف جهودك لتحصل على افضل النتائج خلال فترة المساء بتشغلك امور شراكات او بترتب للقاء مهم . عاطفيا : يوم بتبدا الأمور تكون واضحة اكتر وبتتجاوز ازمة عاطفية رغم التعب والمشاكل والعزلة يلي كنت عم تواجهها وعم تطلع من حالتك بشكل تدريجي .. لا تكون عنيد حتى ترجع الامور افضل مماكانت عليه بعد سوء تفاهم سبب كركبة بالوضع ودائما لازم تخلي خط الرجعة وضعك افضل وبالاخص خلال اليومين القادميين وفيك تبادر وتعترف او حدا ممكن يعترف الك بإعجابوا .. من المسا في اتصال او لقاء بالاخص اليومين القادمين .. صحيا : انتبه لوضعك الصحي وبالأخص العشرية الثالثة وتحسن بالوضع الصحي والنفسي عند العشرية الاولى والثانية 💞غنيتك اليوم💞 معلقني فيك وناسيني .. محمد العلي

فنجان برج الدلو اليوم

فنجان☕ برج الدلو ♒
مهنياً : يوم امورك افضل وانفراج وتحسن بقصة معينة بتخص عمل او مال .. عم ترتاح من بعض الضغوط وفي فرصة بتدعم حظوظك ويوم عم تكون فيه اجتماعي باتصالات او لقاءات .. عندك الخبرة والقدرة لتحسن من وضعك او مركز مهم بقادم الايام .. في دعوة او عزيمة وتحسن بالحالة النفسية وعم تطلع من الملل والضجر يلي كنت عم تحس فيه والبعض لديه فرصة سفر ممكن يخص عمل او لقاء مع شخص بتحبو وقصة طفل بتشغلك.. عاطفيا : القمر بيدعم حظوظك وبيعطيك جاذبية ورومانسية عالية لتحسن الاجواء وليكون عندك فرصة ارتباط وتحسن نوعي بعلاقاتك .. يوم للعاطفة وعلاقات عم تتطور وتكبر وشخص بيرجع بحاكيك وبالاخص المرتبط رجعة علاقات بعد غياب وتحسن وضعك عن جديد .. صحيا : خفف شرب منبهات القهوة او تدخين وانتبه من مشاكل الضغط والدوخة وحموضة بالفم والمعدة 💞غنيتك اليوم💞 طلع بيعيني .. مروان خوري

فنجان برج الحوت اليوم

اقرأ فنجان☕ برج الحوت♓
مهنياً : انتبه بنهارك من امور عائلية وتغيرات بوضع العائلة عم تحاول تقنع برايك وافكارك وعم تحط حد لكتير مشاكل رغم الضغوطات والعراقيل وفيما يخص امور العائلة او عقار او منزل ونقاش بهذا الخصوص .. يوم فيه تصليحات وعم تغير من ديكور المنزل او اثاث جديد ولازم تروق مع الاشخاص المقربة او الاخوة وامورك المساء افضل بتغيرات جديدة عاطفيا : لا تخلي امورك العائلية تدخل بالعاطفة وكون بعيد عن الامر العاطفي بالأخص خلال نهارك وبدك تكون دبلوماسي اكتر ولا تدخل بنقاشات او جدالات حادة لان البعض بحاول يستفزك وتعصب على شيء مو مستاهل واذا في مشكلة بين الاهل والشريك حاول تهدي الوضع حتى تمشي امورك وتحسن قريب من المساء ..الاعزب امورك افضل وبتبدا تتحسن مع شريك في حالة عرفت كيف تتعامل معو وحاول تستغل اليومين القادمين صحيا : حاول تعطي نفسك اهتمام صحي لتبقى مسيطر على الوضع او اي قصة صحية بتصير بالبيت 💞غنيتك اليوم💞 أنا أسف .. جورج وسوف

قراءة الفنجان