حظك اليوم وتوقعات الابراج الخميس 23 اغسطس 2018 مع الفلكي منيب الشيخ

حظك اليوم وتوقعات الابراج الخميس 23 اغسطس 2018 مع الفلكي منيب الشيخ

شارك مع أصدقائك

حظك اليوم وتوقعات الابراج اليومية الخميس 23 اغسطس 2018 مع الفلكي منيب الشيخ

اعرف برجك اليوم وماذا يخبرك علماء الفلك 23/8/2018
أبراج الخميس 23 أغسطس 2018 🔮
القمر بكرا بكمل ببرج الجدي والمسا بينتقل لبرج الدلو ♒
الشمس عم تنتقل لبرج العذراء لترتاح الأبراج الترابية وتعطينا فرص أفضل لحياة مهنية ناجحة وممكن نبدا نظام غذائي بهالفترة .. 🌞

حظك اليوم برج الحمل 23 اغسطس 2018 الفلكي منيب الشيخ

يوم في شغل الك والمسا اجتماعي بتكون .. انتبه لشغلك وكون كتير رايق لان في قصة بتتعلق بمخالفة القوانين عندك انتبه منها وحاول تجهز حالك للقاء شخص مهم ولاتهمل شغلك الضروري أكيد وكمان المسا حضر حالك للقاء حلو وعزيمة ممكنة عندك .. عاطفيا .. الأجواء مو كتير مريحة عندك ومدايق وحساسيتك عالية بهاليوم فحاول تهدى .. ■النسبة المئوية : ●مهنيا : %76 ●ماليا : %64 ●عاطفيا : %67 ●صحيا : %70 🌞الشمس بالعذراء : بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد

حظك اليوم برج الثور 23 اغسطس 2018 الفلكي منيب الشيخ

تطورات حلوة ولقاءات مهمة بناس مسؤولة .. يوم حلو بيدعمك مهنيا و في كتير امور ايجابية لتغير شي ممكن تسافر وتتعرف على اشخاص جديدة ممكن تبدا علم جديد او حتى رياضة كمان ممكن تكون المسا على موعد مهم ومصيري فخليك جاهز .. عاطفيا .. يوم منيح لتعزز علاقتك بالشريك وفي كتير امور ايجابية عندك وطلتك غير شكل .. ■النسبة المئوية : ●مهنيا : %85 ●ماليا : %80 ●عاطفيا : %77 ●صحيا : %74 🌞الشمس بالعذراء : بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

حظك اليوم برج الجوزاء 23 اغسطس 2018 الفلكي منيب الشيخ

تحسن تصاعدي مال ولقاءات وتواصل .. عندك حضور مميز وكتير من القصص والحلول الممكنة كمان ماليا ممكن تحصل على مصاري من شخص كان بينكن شراكة او تدفع لتجيب هديه لحدا كمان المسا عم يكون مناسب لتحاكي ناس جديدة بحياتك .. عاطفيا .. تطورات ايجابية عم تشهدها علاقتك وفي تحسن بعد فترة صعبة مريتو فيها .. ■النسبة المئوية : ●مهنيا : %73 ●ماليا : %82 ●عاطفيا : %76 ●صحيا : %80 🌞الشمس بالعذراء : بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

حظك اليوم برج السرطان 23 اغسطس 2018 الفلكي منيب الشيخ

وضع الشراكة مكركب لكن المسا افضل بكتير .. مو مرتاح ومدايق من اي شي عم يصير معك في استفزاز كبير من المحيطين الك لاتخاف فيك تستفيد لأن بتم شراكة او حتى ارتباط والمسا بتناقش امور مالية عندك وبترتاح من الضغط يلي انت فيه .. عاطفيا .. تعامل مع مجريات الامور برواق وحاول ماترد على الكلام الاستفزازي من الشريك .. ■النسبة المئوية : ●مهنيا : %69 ●ماليا : %62 ●عاطفيا : %68 ●صحيا : %64 🌞الشمس بالعذراء : بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

حظك اليوم برج الأسد 23 اغسطس 2018 الفلكي منيب الشيخ

عندك كتير امور بتشغلك ماعم تهدى والمسا شراكات .. بدي منك تستغل قدراتك فكر بالضروري واهدى حسن وضع شغلك ونظم أمورك وكل شي رح يكون افضل كمان في فرصة كبيرة لشراكات جديدة عندك بس انتبه من عصبيتك تنهي شراكة عندك ضعيفة .. عاطفيا .. عن تفكر يمكن بارتباط والأمور عندك عم يكون فيها كتير انزعاج من تصرفات الشريك .. ■النسبة المئوية : ●مهنيا : %57 ●ماليا : %60 ●عاطفيا : %62 ●صحيا : %65 🌞الشمس بالعذراء : بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

حظك اليوم برج العذراء 23 اغسطس 2018 الفلكي منيب الشيخ

تحسن نسبي حلول ممكنة ومال .. عم يكون عندك يوم مريح نسبيا بعد أيام كانت من الضغط والتعب لكن اليوم عم تحصل على يوم جيد عم تطلع من الأجواء المشحونة .. قادر يهاليوم تحل بعض المشاكل او قضية قانونية وتشفى من مرض وكمان عندك امور مالية عم تناقشها .
عاطفيا .. لاتترك أمورك معلقة وحاول تفكر بحل واطمن كل شي رح يكون منيح ..
■النسبة المئوية :
●مهنيا : %71 ●ماليا : %76 ●عاطفيا : %73 ●صحيا : %68

حظك اليوم برج الميزان 23 اغسطس 2018 الفلكي منيب الشيخ

قصص بالبيت بتشغلك والمسا عاطفيا افضل .. في قصة بالبيت ماعم تريحك وعم تخليك تفكر بحلول الها وحاسس بانك ضايج لكن هاليوم عم يشهد تحسن كبير المسا بالحظ والوضع العام عندك بس دير بالك عأهلك وبيتك وكل شي رح يصير أفضل .. عاطفيا .. عم تحس بعاطفة كبيرة تجاه شخص حاول تكون رومنسي لان يوم بيتطلب هيك خاصة المسا .. ■النسبة المئوية : ●مهنيا : %76 ●ماليا : %82 ●عاطفيا : %85 ●صحيا : %80 🌞الشمس بالعذراء : بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية

حظك اليوم برج العقرب 23 اغسطس 2018 الفلكي منيب الشيخ

يوم لتنقلات حركة اتصالات واخوة وعيلة المسا .. يوم للتنقل والتواصل خاصة مع افراد عيلتك او المحيطين فيك وقادر تقنع بوجهة نظرك وحتى في فرصة لسفر قصير عندك لكن ممكن تنشغل بقصة بتخص احد الأخوة او الاهل حاول تكون متفهم حتى تنحل .. عاطفيا .. عندك القدرة انو تجذب الناس الك بهاليوم ولقاء حلو عاطفي ممكن اذا بدك .. ■النسبة المئوية : ●مهنيا : %75 ●ماليا : %69 ●عاطفيا : %72 ●صحيا : %70 🌞الشمس بالعذراء : بتعزز الصداقات والحالة الاجتماعية عندك وبتساعد لتجيك مساعدة من رفيق عندك

حظك اليوم برج القوس 23 اغسطس 2018 الفلكي منيب الشيخ

قصص مالية بتشغلك وتطورات حلوة عندك .. عيد حساباتك المالية اليوم وفيك تشوف شو الك وشو عليك وتضب ايدك وتفكر بموارد جديدة للدخل عندك وحتى ممكن تحصل على مبلغ بهاليوم والمسا بتكون نشيط وبتتواصل مع ناس كتير عندك .. عاطفيا .. وضعك جيد لكن ماحدا عم يقدر مشاعرك متل مابدك وهالشي عم يزعجك .. ■النسبة المئوية : ●مهنيا : %77 ●ماليا : %81 ●عاطفيا : %75 ●صحيا : %74 🌞الشمس بالعذراء : بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة

حظك اليوم برج الجدي 23 اغسطس 2018 الفلكي منيب الشيخ

تطورات حلوة حلول ومال المسا عندك .. بترتاح نسبيا وانت بحال افضل عم تقدر تأثر بشكل كبير على محيطك وتحل مشاكلك وتغير الأمور لصالحك حاول تستفيد من هاليوم ببدايات جديد وكمان لاتنسى تعيد حساباتك المالية وتخفف مصروفك المسا .. عاطفيا .. معنويات عالية عندك فيك تخلص من ماضي تعبك وتبدا بحب جديد إذا بدك .. ■النسبة المئوية : ●مهنيا : %92 ●ماليا : %90 ●عاطفيا : %82 ●صحيا : %80 🌞الشمس بالعذراء : بتعطيك فرص سفر وبدايات جديدة لشغل او علم وكمان بتتعرف على ناس جديدة وبتكون حال أفضل على كل الأصعدة

حظك اليوم برج الدلو 23 اغسطس 2018 الفلكي منيب الشيخ

شوية صبر بالنهار عندك والمسا اخبار حلوة .. مدايق والوضع مزعج الك كل شي بتحسو ماشي بالعكس والناس عم تزيدها عليك وفي عرقلة وتأجيل وحاول ماتعمل شي مهم الصبح وانتظر المسا يلي رح يشهد تحسن نسبي الك وعودة الحلول والطاقة .. عاطفيا .. عم تحس بوحدة وماعم ترتاح لتصرفات الشريك وكأنو في شي عم يصير غريب .. ■النسبة المئوية : ●مهنيا : %77 ●ماليا : %75 ●عاطفيا : %79 ●صحيا : %70 🌞الشمس بالعذراء : بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة

حظك اليوم برج الحوت 23 اغسطس 2018 الفلكي منيب الشيخ

وضعك منيح بالنهار وهدي الاوضاع المسا .. يوم اجتماعي عندك عم يكون نهارك حافل باللقاءات مع اشخاص بتحبن وبتحس بدعم كبير من الاصدقاء إلك وفيك تطلب مساعدة اذا بدك لتعمل شي انتبه من مشاكل متوقعة بالسهرة وكون هادي حتى تمر .. عاطفيا .. عم تكون ساحر بالنهار وكتير ناس حوليك وعندك حضور ملفت وقدرة على استيعاب الكل وهالشي بيمنحك اجواء حلوة .. ■النسبة المئوية : ●مهنيا : %63 ●ماليا : %70 ●عاطفيا : %67 ●صحيا : %60 🌞الشمس بالعذراء : بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..
والله اعلم
منقول من الفلكي منيب الشيخ

‏Abraj علم الابراج والفلك - Abraj2015.Com‏