حظك اليوم 18 أيار (مايو) 2023 مع د. ياسر الداغستاني

ابراج ياسر الداغستاني
حظك اليوم 18 أيار (مايو) 2023 مع د. ياسر الداغستاني


حظك اليوم برج الحمل ياسر الداغستاني

تاعبتك امور الشراكة بالنهار وحاسس بالارهاق ومن المسا حاول تخلص شغلك وما تهملو وخليك هادي وبلا عنادك لان كل شي رح تعملو رح يرجع عليك وعندك ربح مادي بس مصروفك زايد وممكن تحتاج مبلغ مالي وامورك احسن وحلول لمشكلة عاطفيا .. نهار صعب وعندك شوية مشاكل وتوتر بدها شوية رواق وصبر وبيتحسن وضعك وبتزول المشاكل ورح تسمع خبر يريحك ويرجع الضحكة لوجهك


حظك اليوم برج الثور ياسر الداغستاني

ببحر النهار عندك شغل كتير وتراكم مسؤوليات ويا دوب عم تلحق ومن المسا بسيطر عليك التوتر والعصبية وما حدا فاهمك فحاول تروق وتهدى وحافظ على سمعتك عم تشغلك امور الشراكة وشغل وضغط كبير فترة صعبة لا تتسرع فيها باي قرار لان ممكن تخرب كل شي عاطفيا .. شغلك عم يلهيك عن الحبيب والوقت مو لصالحك ومشاكلك عم تكبر فاتبه وحاول ترتاح وتفضى شوي للحبيب وكون معو لتهدو التوتر يلي بينكن

حظك اليوم برج الجوزاء ياسر الداغستاني

نهار حلو طاقة وحيوية بيحملك انجازات وفرص حلوة عم تفرحك من المسا ببلش يسيطر عليك التعب بزيد شغلك ويا دوب بتلحق وحاول تنظم وقتك واكلك لتلحق انت قادر تخلص كل شي ولا تشكك بقدراتك وانتبهلي لصحتك لان فترة متعبة الك ولا تتكاسل عاطفيا .. بتحن للحب القديم رغم وجود عروض حب جديدة شوقك بزيد للغايبين عم تحاول تفتش عالاستقرار العاطفي والرضا بعلاقتك مع الحبيب


حظك اليوم برج السرطان ياسر الداغستاني

مشغول بالبيت والعيلة وعم تحاول تطلع من جو التوتر ومن المسا بتقدر تطلع من حالتك وتخلص شغلك بس انتبهلي على امورك المالية وخليك رايق وحاول تستغل هالفترة لترجع الامور لطبيعتها وانت نشيط وعندك طاقة كافية لتنهي امورك عاطفيا .. القلق والحيرة يلي كانت ملازمتك بالنهار بتتغير بالليل وبتفكر تتقرب من احبابك وتعزز علاقاتك بمحيطك


حظك اليوم برج الأسد ياسر الداغستاني

نهار بيبدا حلو بتسيطر وبتعرف كيف توصل كلمتك والمسا بتشغلك امور العيلة والبيت حاول تروق وتخفف عصبية هالفترة وكون قد المسؤولية عيلتك بحاجتك هالفترة اهدى وخليك حكيم قدر الإمكان واستغل الوقت لتهدي الاجواء عاطفيا .. لقاء رومنسي بالنهار بيعطيك شوية حب وسعادة والمسا بتحس بالحيرة وتناقض بافكارك وانت متل الضايع لا تحملها كتير فترة وبتعدي وبيستقر وضعك

حظك اليوم برج العذراء ياسر الداغستاني

بتشغلك الامور المالية بالنهار وامور الشغل اما المسا بتكون بحال افضل بتستعيد قدرتك على الحوار وبترجع لنشاطك وحيويتك نسبيا وحاول تستفيد من هالفترة لتحسن وضعك والظروف ملائمة للنجاح والتقدم وعندك حركة ممكن تكون سفر عاطفيا .. باول النهار مشتت ومحتار بس هالحيرة رح تنقلب لفرص حلوة عم تدق بابك حاول تستغلا ولا تتعب حالك بالتفكير طول الوقت فيك تطلع رحلة او مشوار مع الحبيب

حظك اليوم برج الميزان ياسر الداغستاني

متألق ببحر النهار طاقة عالية وحيوية ونشاط بتنقلب عليك المسا لفرص مالية حلوة ومكاسب مهمة ممكن تحصل على تعويض او مبلغ مالي بس خليك واضح وانتبهلي من زيادة مصروفك وحاول تتصرف بحكمة اكتر . عاطفيا .. كل الانظار موجهة الك هالفترة ساحر وجذاب بالنهار وعم تعيش اوقات حلوة حاول تحافظ عتألقك المسا وابعد عن المشاكل يلي ممكن تخرب العلاقة وحاول تستغل الفرصة لتطور علاقتك اكتر لارتباط

حظك اليوم برج العقرب ياسر الداغستاني

نهار صعب كتير حيرة وضياع واوضاعك تعبانة ما في شي عم يمشي تعبان ومتدايق اصبر والمسا بيرجعلك النشاط وبيدعمك الحظ انسى الماضي وافتح صفحة جديدة وحاول تدعم مكانتك وغير الامور لصالحك لا تتراجع خليك مبادر بهالفترة لتتغير لحال افضل . عاطفيا .. عم تتحسن امورك وترتاح نفسيتك و بعد المسا رح يزول عنك الاحباط وتصير احسن بكتير خليك رومنسي مع الحبيب لتصلح الامور وتعيش اوقات حلوة

حظك اليوم برج القوس ياسر الداغستاني

حاول تخلص شغلك بالنهار واستغل وقتك لان المسا بتتعب وبتحس انك مو قادر تعمل شي انتبه لصحتك بهالفترة رح تكون صعبة عليك ما عندك حظ بشي لهيك لا تحسم شي وخلي هالفترة تعدي على خير وانتبهلي لسمعتك وشغلك ولا تكبر الامور واضبط اعصابك وفترة وبتعدي على خير خليك هادي وخصوصي بالشغل عاطفيا .. اول نهارك حلو لقاءات واتصالات ومحبة كبيرة بتحصل عليها من يلي حواليك بس بعد المسا بتبلش تمل وتحس بالشك وابتعاد الحبيب بدها شوية صبر هالفترة لا تزيد العلاقة توتر وابعد عن المشاكل ولا تفوت بمناقشات تندم عليها بعدين

حظك اليوم برج الجدي ياسر الداغستاني

انفعال وتعب وبداية نهار قصص عم تزعجك والروتين مو عاجبك بيتغير وضعك المسا لتكون اجتماعي متحرك وتعاملك حلو مع محيطك لتقدر توصل لافضل النتائج وتحصل على السعادة والرضا استفيد من هالفترة وحاول تنجز وكل شي رح يكون منيح بوجود الاصدقاء جنبك عاطفيا .. خليك رايق ولا وتزيد التوتر وخلي الامور تمشي وكل شي رح ينحل وامورك بتصير تمام

حظك اليوم برج الدلو ياسر الداغستاني

اوقات حلوة اول النهار منيحة الك حاول تستغلا وخلص شغلك وفي عندك انجاز واخبار حلوة ناطرتك والمسا بتمر باوقات صعبة حاول تهدي ولا تتوتر وبعد عن العصبية وفترة مناسبة لتلاقي شغل جديد ما تشغل بالك وهدي لتنحل امورك . عاطفيا .. بتسمع اخبار بتفرحك وبجيك اتصالات من الغايبين بتسعدك بس المسا بتحس بخيبة امل وما حدا عم يفهمك ومشاكل مع ناس قريبة منك

حظك اليوم برج الحوت ياسر الداغستاني

تعب وارهاق اول النهار وما في شي عم يزبط رغم الجهد يلي عم تبذلو المسا بتتحسن امورك وبتسمع اخبار حلوة وبترجع الضحكة لوجهك وقادر انت تنجز بهالفترة وتدفع بمصالحك لقدام بس انتبه من عصبيتك ولاقي حل لمشاكلك بطريقة هادية وامور عم تتحسن عاطفيا .. بتسيطر عليك حالة عدم الرضا غيرتك زايدة بس المسا انت افضل بكتير اوقات حلوة ورومنسية مع الحبيب وفرصة لو مو مرتبط لتبدا علاقة جديدة وترجع الامور لطبيعتها انت ساحر وجذاب استغل هالشي

حظك اليوم



توقعات برجك هذا الشهر :
توقعات الأبراج لشهر مايو 2023

جديد اخبار الأبراج والفلك :
اخبار الابراج والفلك
خريطة الموقعFacebook twitter