• توقعات برج السرطان 2020 مع الفلكي ثابت الحسن

توقعات برج السرطان 2020 مع الفلكي ثابت الحسن

غرد

توقعات برج السرطان 2020 مع الفلكي ثابت الحسن
التقدم العلمي و التحصيل الفكري



عام مليء بالأحداث المهمة و التقلبات الخطيرة في حياتك عندك كتير نقاط فيها مفارق ترق و تضطر إنك تختار طريق مناسب بيرسم حياتك المستقبلية . ببداية العام رح تركز على الأمور المتعلقة بالشراكات المالية و العملية و تدرس كل التحالفات يلي عاملها و تقيم الجدوى منها و تعمل إعادة تموضع و تقييم جديد لهذه العلاقات رح تعزز قسم منها و تفك الشراكة مع بعض الأشخاص يلي كنت بتوثق فيهون , بينعرض عليك توقيع عقود و الدخول بمشاريع جديدة بتفكر كتير و ما بتتسرع بإتخاذ القرار و بتحكم العقل أكتر و بتحط مخطط للعام المقبل و بدك تمشي على أساسه حتى تحقق الأهداف يلي حاططها ببالك .

الشهر الثاني و الثالث
عندك كتير من المواجهات و التحديات خلال هذه الفترة من العام و خصوصا مع الأصدقاء و المحيطين فيك ممكن تتفاجئ بمواقف البعض و تنصدم من حدة تصرفاتون و أفعالون و هاد الشي بخليك تاخد قرار جريء بالتخلي عنهم . عندك شوية تعب صحي و بتتراجع لياقتك الصحية و بخف نشاطك و خصوصا في نهاية شهر شباط و النصف الأول من شهر آذار انتبه هي الفترة أيضا أثناء التوقيع على عقود أو أوراق رسمية حتى ما توقع ضحية للإحتيال و الخديعة و تحرزعلى مقتنياتك الثمينة و حافظ عليها متل سيارة أو موبايل .
عاطفيا : علاقة جيدة مع الشريك و عم تعرف تتصرف معه بطريقة ما تسبب الك المشاكل و تحافظ على علاقة مستقرة و هادئة فيها شيء من الروتين

الشهر الرابع و الخامس
مع بداية هي الفترة عم يزيد اهتمامك بالتحصيل العلمي و الدراسي و زيادة قدراتك الذهنية و المعرفية و بزيد اهتمامك بالأمور الدينية و البحث العلمي . عندك حلول لبعض المشاكل القانونية و الأوراق الحكومية و خصوصا في الثلث الأول من شهر نيسان , أما بالنصف الأول من شهر آيار بتهتم بتدعيم علاقتك مع الأصدقاء و المقربين منك و بتستمد الطاقة منون حتى تتجاوز المصاعب و تحرز تقدم على الصعيد العملي , بزيد اهتمامك بأمورك الصحية و ممكن تمارس بعض النشاطات الرياضية .
عاطفيا : بتقدر على تجاوز بعض الخلافات مع الشريك و ممكن تعاتب الشريك و تستوضح منه بعض النقاط يلي غير واضحة و مبهمة عندك و تعرف أسباب تصرفاته الغريبة .

الشهر السادس و السابع
عم تبذل قصارى جهدك حتى تحرز بعض المكتسبات و تكسب بعض الأرباح حتى تغطي نفقاتك ممكن تضطر لبيع أشياء ثمينة أو تدين مبلغ من شخص قريب , انتبه هي الفترة من الدخول في خلافات مع أشخاص قريبين من السلطة أو عندون نفوذ , ممكن تتأجل بعض العقود يلي كنت رح تبرمها أو تلغى حركة بيع أو شراء كنت متأمل فيها , بيكترو أعداءك أنت بأمس الحاجة لصديق يقدملك دعم و قوة .
رغم كل ذلك بستمر بالنجاح على الصعيد الدراسي و التحصيل العلمي .
عاطفيا : فترة عدم استقرار عاطفي عندك كتير من المشاكل و العقبات يلي ممكن تواجهك , خليك مرن و دبلوماسي مع الشريك و ما تاخد قرار سريع تندم عليه لاحقا .

الشهر الثامن و التاسع
من أفضل الفترات يلي ممكن تمر عليك خلال هذا العام لا زم تستغل القوة و النشاط يلي عندك و توطد علاقتك مع الزملاء و تحرز مكانة جيدة ضمن الوسط المحيط يلي انت فيه عندك قوة فكرية و تركيز عالي و فرص كبيرة لتوقيع عقود جديدة و مكاسب مالية مهمة , حاول تكسب من كل الفرص المتاحة أمامك لأنها فرصت و ممكن مارح تتكرر خلال العام الحالي بشتري شيء غالي الثمن متل سيارة أو موبايل .
عاطفيا : أمورك العاطفية ممتازة هي الفترة و الفرص مناسبة للزواج و الإرتباط و حتى لإنشاء علاقة جديدة لغير المرتبطين بزيد حبك للشريك و بتحظى بالمكانة المطلوبة بقلب من تحب .

الشهر العاشر و الحادي عشر
في هذه الفترة المطلوب منك عدم التشتت و التركيز و خصوصا أثناء وضع الخطط و الخطوات المستقبلية علاقتك جيدة مع الأهل و خصوصا الأب و الأم جيدة بتوليهم اهتمام كبير في هذه الفترة خصوصا , بتهتم بمظهرك و أناقتك و ممكن تشتري بعض الأغراض الشخصية الغالية الثمن , بينعرض عليك الشراكة بموضع عقاري لكن ما بتميل للفكرة .
عاطفيا : تحاط هي الفترة بمحبة و عناية المحيطين فيك و خصوصا الأصدقاء و الأهل , الشريك عم يتقرب منك أكتر و أكتر و عم يراعي مشاعرك و يقدر ظرفك .

نهاية العام
فترة جيدة عموما عم يزيد اهتمامك بإنجاز أعمالك اليومية المعتادة و بتزيد علاقتك مع زملاء العمل بتهتم بأمورك الصحية و ممكن تعمل نظام غذائي و بتتقيد فيه بتقدر تميز مين حولك من محبين و مبغضين , كما أن الفرصة مناسبة حتى توقع عقد جديد أو تدخل بمشروع بدر عليك الأرباح .
عاطفيا : فترة جيدة للإربتاط و التعبير عن مشاعرك لمن تحب و خصوصا في النصف الثاني من شهر كانون أول

توقعات الابراج 2020 ثابت الحسن

توقعات الابراج 2020

تابعنا علي الفيسبوك ليصلك الجديد أولاً بأول