امراة برج الثور - الجذابة الصادقة



امراة برج الثور
امراة برج الثور

انثى برج الثور محبوبة وصادقة، وليها جاذبية خاصة، وتمتاز بجمال وعمق، صبورة جداً لدرجة العند وصلبة، واقعية وكل اللى بتتمناه في الدنيا هو الرجل الصادق فهي مش بتكره في حياتها حاجة اكثر من الخيانة،
انثى برج الثور اكيد تحصل على لقب سفيرة الحب تعالوا نتعرف على صفات مولودة 20 ابريل-20 مايو.



مثالية فى الحب :
لا يمكن ترضى ببديل عن الحب ولو حبت فهي بتحب إلى الأبد طالما الحبيب على مستوى آمالها..و تعتبر المرأة الثور اكثر البنات غموض في علاقات الحب. مش من النوع السهل استمالته و بتدى للرجل اللي تختاره اعمق العواطف وهي اقرب للطراز التقليدي والمثالي وحاجتها للحنان كبيرة فهو السبيل الوحيد لشعورها بالاستقرار والطمأنينة . الحب بيأخذ مكانة كبيرة في حياتها، بتتمنى دايما علاقة مستديمة تنتهي بالزواج، مش بتسيب حبيبها لوحده ابدا, في عيد ميلاد حبيبها بتختار أغلى الهدايا وتفرح لما تقدمهاله، مش بتنسى أبدا تاريخ اليوم اللي شافت فيه حبيبها لأول مرة، ولا بتنسى أي مناسبة تخصه. زوجة كريمة بتعامل زوجها معاملة رائعة.
أكتر حاجة جذابة فيها وبتشد أي رجل, إنها عندها صفاء شديد وطبيعية جدا, مش بتمثل ولا بتتظاهر بحاجة مش فيها ومش عندها, مش بتبالغ في أي حاجة, اونثوية وعاطفية ونفس الوقت حازمة وشخصيتها قوية, بتدي شعور لشريكها انها اد المسئولية ويقدر يعتمد عليها, والصراحة ده بقت صفة نادرة في البنات اليومين دول.



عاشقة للعمل :
انثى الثور عملية عندها مهارة كبيرة في الوظائف التنفيذية والإدارية والمسائل المالية. قاسية على نفسها في العمل، بطيئة شوية ولكنها حازمة و مش بتهمل اى تفاصيل بتجذبها الأضواء ومراكز النفوذ..بتنجح مولودة الثور في كثير من المجالات الفنية و بتلاقيها فى مجالات زى علم الهندسة والرياضيات والأحياء، مديرة أعمال ممتازة بتاخد وقتها في اتخاذ قراراتها، ولكن لو تخدت قرار فمش هتتردد أبدا، بتحب تكسب فلوس، مخلصة في شغلها وتسعى دائما إلى الكمال.. بتتقدم ببطء بس ماشية فوق ارض صلبه، نشيطة ومش بتخاف من المسؤوليات.. بتفتخر بالعمل اللى هى يتعمله وبتحاول تنجح فيه بأحسن طريقة.

مستقلة و طموحة :
مفيش حاجة بتكون صعبة على مواليد انثى الثور ، فالنجاح بيروحلهم بنفسه، صبورة بتعتمد على نفسها، تهوى التجارة، وعلاطول بتكون ناجحة فيها، تطمح دائما للنجاح وبتحلم ببناء إمبراطورية خاصة بها.. بتحب العمل يكون سهلا و مخططة بارعة، وتحب الاستقلالية فى شغلها.



اجتماعية :
عندها القدرة على حسن معاملة الناس وبتعرف تتكلم وتتحاور مع مختلف النوعيات والفئات من الناس لانها لبقة إلى أقصى حد ومجادلة كويسة و بيهما المشاركة في الاحاديث الجدية و المناقشات العلمية والسياسية. من اهم ميزاتها سهولة التكيّف مع الناس بشرط يكونوا بسطاء ،صادقين مع نفسهم وبعيدين عن الإدعاء.لو قربت من صديق او صديقة و حبتهم هتشاركهم افراحهو و احزانهم ،و لو كرهت حد بتبينله عدم المبالاة وبتبعد عن طريقه بسكوت.

صبورة بس خلي بالك!
انثى الثور عندها طاقة صبر واحتمال مش عادية ،و الهدوء و البرودة مش موجود عند ستات كثير بس رغم صبرها الشديد فممكن تكون زى القنبلة سريعة الانفجار لو أهنتنها أكثر من مرة و محفظتش على مشاعرها الرقيقة وينطبق عليها مثل (اتق شر الحليم إذا غضب)…بلاش تغضبها أبدا فهي متستحقش منك ده.

مش بتغير بسهولة :
غيرتها مش بتحصل بسهولة ، و بتختلف بالصفة دى عن بنات جنسها .ممكن لو شافت حاجة تضايقها تبص الناحية التانية و لا كأنها شافتها ، زى مثلا لو حبيبها كان بيهزر مع بنت تانية او قالها انها جميلة .لكن الويل له لو تخطّى الحدود، فممكن وقتها الوش يتغير يتحوّل الملاك الهادئ لزوبعةٍ .

صديقة وفية :
امرأة الثور من النوع اللي بيهتم انه يكون عنده اصدقاء قليلين قريبين ومش اصدقاء كتير سطحيين, صدقتها بتدوم طول العمر, مخلصة ومتفانية وموضوع الصحوبية عندها موضوع جد جدا, كل اللي بتطلبه إن اصدقأها يبقوا صادقين وحريصين على الصدقة ديه في المقابل.

انثى برج الثور أنوثتها مميزة وملفتة، وعندها جاذبيّة خاصة .عندها شفافية ونعومة، بيلاقى فيها الرجل شخصية شريكة العمر الى بيدور عليها فهى من النوع الي بيصبر على الشدائد و مش بيفقد الامل و التفاؤل والطموح .يا بخته بيها لأنها زوجةً مخلصة وحنونة.

مقالات متعلقة بـ برج الثور

خريطة الموقعFacebook twitter