abraj 2016 - abraj



تحميل برامج


كيف تكسبي قلب رجل برج العذراء

كيف تكسبي قلب رجل برج العذراء , كيف تكسبين قلب الرجل , قلب الرجل العذراء , الرجل العذراء في الحب , اسرار قلب رجل برج العذراء

كيف تكسبي قلب رجل برج العذراء
قلب رجل برج العذراء
مشاعر الحب من المشاعر المركبة جدا اللي محدش عارف بتبدأ ازاي او ايه سببها، لكن نقدر نقول ان الحب بيبدأ بالانجذاب والاعجاب، وطبعا محدش يقدر يتحكم في مشاعر حد ويخليه يحبه بس سهل نلفت نظر حد لينا لو بس عرفنا ايه هي الحاجات اللي بتشده في الطرف الاخر، وهو ده اللي حنقدمهولك النهاردة حنعرفك جانب من مواصفات رجل برج العذراء يفهمك طبيعته ويعرفك ايه الحاجات اللي بتجذذبه في الطرف التاني..





1- ابدأي الخطوة الأولي بس بحذر: رجل برج العذراء اكتر رجل في رجال الابراج كلها بيحس بالاحراج وبيبقى صعب عليه انه يبدأ الخطوة الاولى، عشان كده بيحتاج لتكتيتك معين في المعاملة لازم تكوني متواجده في حياته طول الوقت لكن من غير ما تصرحي بمشاعرك ناحيته لأنه بيحب يحس انه مش مضغوط عليه وفي نفس الوقت ويحب يحس ان البنت اللي هو بيفكر فيها مش سهل انه يوصل لقلبها من الاخر حاولي تمسكي العصاية من النص ولا تندفعي في مشاعرك وتحسسيه انه مش حيحارب عشان يوصلك ولا تكوني بعيدة اكتر من اللازم وتحسسيه بالاحراج في انه يصارحك بمشاعره. فيه طريقة ذكية لجذب اهتمام الرجل ده مين غير ضغط وهي إنك تسأليه عن نصايح عملية أو مساعدة. رجل العذراء خدوم جدا وصعب انه يرفض طلب للمساعدة خصوصا لو من بنت. فأفضل تريكة للتقرب منه هي إنك تاخديه الاول كصديق قبل أي حاجة.



2- خليكي شيك وانيقة من غير مبالغة: طبعا لأنه باحث عن المثالية ودقيق جدا في ملاحظة التفاصيل فحتلاقي رجل العذراء بياخد باله من كل حاجة في مظهر الايدين والاظافر والشوز وتناسق الالوان وتسريحة الشعر او شكل الايشارب يعني من الاخر كل حاجة حتى لو مكانش صريح في ابداء رأيه في حاجة تخص مظهرك لكن خليكي متأكده انه واخد باله كويس جدا وبيلفت نظره جدا الاناقة من غير المبالغة يعني يكره العطور النفاذة ومايحبش اللبس المكشوف او الملفت زيادة عن اللزوم بيحس في ده نوع من الابتذال وعدم الشياكة.

3- افهمي طريقته في الهزار والمجاملة: رجل برج العذراء مابيحبش كلمات المجاملة الكتيرة والصريحة بيتأثر اوي بكلمتين فيهم صدق وتقدير بس بلاش تحسي بالاحباط لو ماحسيش منه الرد القوي على مجاملتك لأنه من جواه بيبقى مبسوط ان في حد شايف فيه مميزات ومعجب بيه، اما بقى عن الهزار فهو مش بيحب النكت الصريحة والافلام الكوميدية الواضحة وبيبتسط جدا لما حدا بيضحك على طريقة هزاره المتزنة او يفهم نكتة او موقف طريف هو حكاه وطبعا ده سببه انه هو اميل للعقلانية والاتزان.

4- عامليه بعقلك قبل مشاعرك: زي ما اتفقنا قبل كده رجل برج العذراء شخص عقلاني ومتزن وده بيخليه يحب يتعامل مع الناس اللي شبهه برضه ويبعد قدر الامكان عن الناس اللي بيشتكوا ويحبوا يعيشوا في الدراما والكلام عن المشاعر طول الوقت، طبعا ده مش معناه ان هو مش رومانسي او حساس لكن في الحقيقة رجل العذراء بيحب يقدر الانسان بطريقه تفكيره وحكمه على الامور ومش دايما بيلتفت للمظهر الجميل الجذاب على حساب العقل والمنطق، يعني خليكي بعيد عن الصورة النمطية للبنت اللي مهتمها بمشاكلها وبمشاعرها طول الوقت اظهري شوية الجانب اللي يخص ثقافتك وطموحك ومستقبلك وعقليتك.

5- اديله شوية وقت ومساحة للتفكير في قراره: بعد مرحلة الاعجاب او الانجذاب رجل برج العذراء بيحب ياخد شوية وقت مع نفسه يرتب فيهم اوراقه ويعرف لو كان حيقدر فعلا يكمل مع الانسانة دي ولا لأ، وفي الوقت ده بلاش تحطيه في اي ضغط او حتى تبعدي عنه خليكي في نطاق الصداقة او القرب العادي وماتستعجليهوش في قراره وكلامه لأنه لما بيحس نفسه متحاصر بيكره الاحساس ده وممكن يبعد عن الموضوع كله عشان يتخلص من الشعور ده.

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج العذراء، لكن دي محاولة مننا عشان نفهمك طبيعة رجل العذراء وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…



مقالات متعلقة بـ كيف تكسبي قلب رجل برج العذراء

 


افلام اجنبى اون لاين افلام اكشن اون لاين

Sitemap خريطة الموقع