تحميل برامج

كيف تملكين قلب الرجل الأسد؟

كيف تملكين قلب الرجل الأسد
قلب رجل برج الأسد

شارك مع أصدقائك


صاحب الشخصية المغناطيسية القيادي رجل برج الأسد.. دايما ايجابي وبيبان وسط الناس بمتنهي البساطة .. الطموح الواثق الكريم.. اتكلمنا عنه بالتفصيل قبل كده وكمان اتكلمنا عن مميزاته وعيوبه, والآن اعرفى
كيف تملكين قلب الرجل الأسد؟ اتبعي نصائح الأبراج حتى تعرفي جانب مختلف من مواصفاته لتفهمى طبيعته وكيف يمكنك شد انتباهه وكيف تفوزين بقلب رجل برج الأسد


متخبيش مشاعرك أبدًا
أول حاجة لازم تعمليها لو إنتي معجبة برجل برج الأسد وعايزة تجذبيه ليكي هي إنك بلاش تخبي مشاعرك أبدًا… لو عاجبك فيه أي حاجة قوليله وخليه يشوف ده في عينك ويحس بيه.. حسسيه انه أحسن واروع راجل في العالم لانه بيستمتع قوي بالشعور ده وعلي العكس تجنبي إنك تدي ليه أي تعليق أو أي حركة ممكن تجرح كرامته أو كبرياءة لأن أي جرح ليه ممكن يدمر أي فرصة للرومانسية مع الرجل ده.



سيبيه ياخد القيادة
الرجل الأسد هو رجل الألفا من الدرجة الأولى، يعني بيحب ياخد دور القائد في العلاقة ويكون هو دايما المسئول واللي بياخد كل القرارات.. في قبل ماتدخلي في علاقة مع رجل الأسد لازم تبقي عارفة إنه مفيش مفر من إنك تسيبيه ياخد القيادة في علاقتكم .. حاولي تتفقي معاه ومع افكارة وتمشي مع اقتراحاته.

التفاؤل والايجابية
لانه هو شخص اجابي وبيحب الحياة والتفاؤل وانه يكون سعيد وبيحتفل هنلاقيه بيتجنب أو بيبعد عن الشخصيات السلبية, النكدية أو اللي بتشتكي كتير, يعني تخلي صحبتك تكون أكتر حاجة مبهجة في حياته ويكون سعيد بوجودك معاه وفخور بأنك جنبه.

الرومانسية والعاطفية
علي اد ما رجل الأسد بين من بره إنك قوي وقائد علي اد ماهو من جواه حساس لدرجة طفل صغير وبيبقي محتاج كمية كبيرة جدا من الحنية والعاطفة والحب عشان يحس بالحب والأمان. كمان انه يحس إنك دايما واقفة معاه لما الحياة بتبقي صعبة وتيجي عليه ده بيقوي قوي شعوره وارتباطه بيكي.

برستيجة قدام الناس
من أكتر الحاجات اللي ممكن تعزز ثقته في نفسه هي طريقة معاملتك ليه قدام الناس, يعني إنك تبيني قدام الناس اد ايه إنتي بتحبيه وبتحترميه وانه هو أكتر حاجة مهمة في حياتك وإن ولائك ليه عمره ماهيقل ولا مشاعرك ناحيته ممكن تتغير.

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج الأسد، لكن دي محاولة مننا عشان نفهمك طبيعة رجل الأسد وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…



مقالات ممكن أن تعجبك

افلام اجنبى اون لاين افلام اكشن اون لاين
خريطة الموقع فيس بوك الابراج الابراج جوجل بلص الابراج تويتر