تحميل برامج


رجل برج القوس - المغامر

رجل برج القوس
رجل برج القوس

المغامر! عاشق المرح و السفر و المتعة, باحث عن الحقيقة و الجمال و الحكمة, هو رجل برج القوس .. متفائل جدا, مولود قائد بطبيعته, واثق في نفسه للغايه.. انسان كريم, غاوى قراءة و مثقف, هو صاحب الحظ الوفير… تعالوا نتعرف على اهم صفاته 22 نوفمبر-21 ديسمبر.





عاشق بارع وحبيب مغامر :
رجل القوس الرامى لسهام الحب, عنده قدرة انه ينال اعجاب أي بنت هو ممكن يعجب بيها, جذاب, وشاطر قوي في المغازلة, بيحب يفهم ويتعمق في معني واحساس الحب قبل ما يقع فيه..

لكن ساعات بيكون صعب يتفهم و متناقض فى شخصيته ساعات بيكون كأنه رجل متجوز ليه سنين وعاقل ورصين, و ساعات تانية بيكون شاب كله حيوية و قلبه مجنون فى الحب وده عشان هو بيحب يتقمص كل الشخصيات الممكنة في الحب ويحب يجرب ويعيش شعور كل شخصية. بيدور على البنت اللى بتشاركه اهتمامته المتغيرة دايما و بتعشق السفر و تكون عفوية جدا وعلى طبيعتها زيه بالظبط . مش بيحب التملك و لا محب غيور و بيستنى من شريكة حياته تقدر استقلاله.



متفائل :
رجل البرج ده متفائل قوي, دايما باصص لقدام وبيصحي كل يوم يدور على مغامرة جديدة, سواء سفر, شغل أو لعب, هو عايش حياتة عشان يتعلم كل يوم حاجة جديدة, عقلة متفتح وسريع البديهة. ولو شخص دخل معاه في مناقشة هتلاقية بيتحمس وبيتكلم معاه بعمق وبمنتهي الشغف.

الفلوس مش من أولوياته :
رجل برج القوس بيعتبر متهور شوية لما نيجى نتكلم عن الجانب المادى لأنه بيحب يصرف و يتمتع بالحياة ومش بيركز فى الفلوس اللى معاه و مش بيحب يستثمر فلوسه او يحوشها لان ده بيعتبر عكس طبيعته اللى بتكره التقييد وعدم الحرية. لو حصل و خسر اى فلوس عمره ما بيفكر فى الناحية السلبية.



صديق صريح جدا :
مبهج وأهل للثقة, عنده أصحاب كتير جدا, كريم وعلى طول عنده استعداد انه يساعد أصحابه وعيلته, رجل برج القوس عفوى جدا و مش بيحب يخبى اى حاجة و زى ما بيقولوا اللى فى قلبه على لسانه مش بيفكر فى اى حاجة قبل ما يقولها اذا كانت سلبية او ايجابية لان اهم حاجة عنده انه يقول الحقيقة و يكون صريح و ده بيجذب عدد كبير من اصحابه ليه لانهم بيحبوا يسمعوا رأيه و نصيحته دايما.

نشيط جدا :
عشان رجل برج القوس عاشق للمغامرة و السفر فنادرا ما هتلاقيه فى مكان واحد ! بيتحرك كثير جدا و يسافر كثير و نشيط و ده بيخليه ميهتمش بلعب الرياضة لانه عارف ان الحركة الكثير دى بتخليه يحافظ على وزنه و شكله الجذاب جدا. انما الحركة الكثير دى بتسببله متاعب ساعات وبترهقه.

مثالى و يعشق التحدى :
رجل بيبحث عن التحدي طول الوقت, مش غريب انك تلاقى رجل برج القوس فى مظاهرة لان فى جزء فى شخصيته مثالى جدا و بيشوف انه واجب عليه انه يدافع عن الحق و الخير. اما الجزء العاشق للتحدى فبيخليه ميقدرش يشتغل فى حاجة تقيد حريته او تفكيره ممكن تلاقيه فى مجال السياحة و الاستشارات أو الفلسفة.

الرجل القوس رجل جدير بالثقة, عاشق مغوار, لو اديتله ثقتك التامة ومحاولتيش تبيني غيرتك, وقدرتي تشاركيه فى طموحاته, حماسته و افكاره المتفائلة هتقدري تستحوذي على قلبه وهتعيشي معاه حياة كلها تفاؤل وأستمتاع, لأنه ببساطة هو رجل بيعرف إزاي يعييش شريكة حياته في منتهي الحب والسعادة …

افلام اجنبى اون لاين افلام اكشن اون لاين

Sitemap خريطة الموقع Facebook Google+ twitter twitter twitter