رجل برج الجوزاء



رجل برج الجوزاء
رجل برج الجوزاء

المتحدت الماهر, المحبوب , المقنع , المثقف.. سريع البديهة وعنده حس دعابة عالي جدا.. هو رجل الجوزاء…
الكلام مع رجل الجوزاء مش كلام ممل زي مثلا” الجو حلو قوي النهرده” , لأ تماما كلامه كله متعه وحوارات وتعمق في مواقف واحداث ودايما عنده رأي لكل حاجة بتحصل حواليه. عشان كده رجل الجوزاء عمره مابيكون ممل أبدًا…


رجل برج الجوزاء - الاجتماعي المحير

ميزته انه في أي موقف بيحب يفكر فيه من النحييتن, يعني مش بينحاز لموقف معين لا لازم يشوف ويتأمل ويطلع برأي موزون. ده اللي حد ما ليه برضة عيوبه وهي انه اوقات بيبقي متردد ومش قادر ياخد قرار. ومن اهم عيوبه طبعا الإزدواج في الشخصية والتقلب اللي أصحاب برج الجوزاء أكيد بيحسوا بيه.
رجل برج الجوزاء ماهر جدا في جميع الحرف، عقله الذكي بيخليه يقدر يدخل من مشروع للتاني، والإندفاع من هواية للتانية في فترة قصيرة من الزمن. اهتماماته كتيرة وقراياته شاملة من علم الصواريخ، التخاطر، التاريخ القديم. يحب حل المشاكل وانه يسمع للناس.
اجتماعي من الدرجة الاولي, ده طبعا عشان ميزة التحدث اللي عنده وعشان افكارة واراءه اللي احيانا بتبقي مثيرة للجدل. الرجل الجوزاء عنده شعبية كبيرة قوي وسط أصدقائه وعيلته. مواليد برج الجوزاء من من 21 مايو – 20 يونيو. يلا نتعرف أكتر علي مواصفات الرجل ده.



1- عاشق جامح ولكن!
رجل الجوزاء ساحر, بيعرف يغازل كويس جدا, وصعب جدا مقاومته, كمان صعب التنبوء بتصرفاته واوقات كتير هو بيتعمد يتصرف كده عشان يداري مشاعره, للاسف هو مش بيرتاح قوي مع فكرة انه يكون واقع في الحب لشوشتة عشان كده بنلاقيه صعب انه يقع في الحب وممكن يكون بيتفاداه مع انه عاشق جامح و عنده لفتات رومانسية جريئة, الأفكار ومش العواطف ممكن تأثر عليه أكتر, عشان كده لو حبيبك جوزاء حاولي تاخدي معاه طريق العقل والنقاش من وقت للتاني لأنه مش هيرتاح لو فضل عايش الجو العاطفي الرومانسي فترة طويلة.

2- بيحب المغامرة والاثارة:
بما انه شخصية متقلبة هتلاقيه بيحب جدا حياة المغامرة وإنه يجرب حاجات جديدة ومثيرة, لو شريك حياتك جوزاء يبقى لازم تبقي دايما مستعدة إنه ممكن يخليكي تجربي حاجات مجنونة وتتعلمي حاجات جديدة عمرك في حياتك العادية ماكنتي هتفكري تجربيها.



3- لبق, منطقي وصريح:
لبق, ذكي ,ودمه خفيف ده بيخلي رجل الجوزاء ميلاقيش أي صعوبة انه يكون صدقات, بيعرف يتكييف مع أي مجموعة من الناس وفي أي ظروف, عنده حماسة, مزيج جامد جدا مش هتلقيه غير في الجوزاء, مزيج جذاب وبينقل طاقة للناس اللي حواليه. بيستمتع بالنقاشات المشكاسة وصعب إنك تجادل معاه لانه دايما بيتكلم بالعقل والمنطق وقدرته العالية علي التواصل بتخلي اللي حواليه يتقبلوا وجهة نظرة بطريقة اجابية. ومن احلي مميزاته انه مستمع كويس جدا, وقدرته علي موازنه الأمور من النحيتين ده اوقات بيبقي مزعج للي حواليه لأنه بيواجههم بالحقيقة بس في النهاية هما بيبقوا فاهمين انه بيدهم المشورة السليمة.

4- مزبط مادياته:
رجل الجوزاء من النوع اللي بيرجع مالياته وعمره مايتفاجأ مثلا انه صرف أكتر من اللازم في أي حاجة, بناء علي عقلة المنطقي هتلاقي كل استثمراته محسوبة كويس ومتخططلها كويس وبدقة, نقدر نقول انه صعب إنه يدخل مشروع فاشل.

5- مغازل:
رجل الجوزاء رجل محير وصعب فهمة, هو بيحب قوي المغازله وشعور انه يتعرف علي حد جديد, عشان كدة في بداية حياته هتلاقيه بيلف وبيتعرف علي بنات كتير لحد لما يلاقي البنت اللي تشده وتنسيه كل اللي عرفهم قبلها, وقتها بس بيتحول لرجل مخلص وبيعيش ليها هي بس.

6- متعدد المواهب:
رجل الجوزاء عنده مواهب كتيرة قوي وممكن ينجح في أي عمل يتحط فيه بشرط واحد بس, إن العمل ده ميكونش ممل, لازم يكون فيه تحدي وتجديد عشان يقدر يدي فيه بكل نشاطة وطاقته. الثقة في النفس والمنطق اللي هو عايش بيه يخلي أحسن وظيفة للرجل ده هي محامي, مستشار أو مذيع, وعشان قدرته علي الإقناع ممكن كمان في السياسة أو وظيفة عالية المستوي في المبيعات.

رجل الجوزاء رجل منطقي, يعشق النقاشات والمحادثة, مجنون :) ويعشق التغيير وتجريب كل جديد عشان كدة لو في حياتك جوزاء لازم تبقي ماشية معاه علي نفس وتيرة الجنون والتغيير عشان تستمعتي بحياتك المثيرة معاه وهتكون احلي حياة. نتمني إن المواصفات اللي شرحناها علي شخصيته ده تكون ازاحة بعض الغموض والحيرة من شخصية الرجل ده.


مقالات متعلقة بـ رجل برج الجوزاء

امراة برج الجوزاء
توافق برج الجوزاء مع باقي الابراج
برج الجوزاء اليوم
برج الجوزاء لهذا الاسبوع
برج الجوزاء لهذا الشهر

تابعنا علي الفيسبوك ليصلك الجديد أولاً بأول

خريطة الموقع Facebook Google+ twitter